കോട്ടയം : ചാന്നാനിക്കാട് വയോജന വേദിയും കോട്ടയം ജില്ലാ ഹോമിയോ ആശുപത്രിയും ചേർന്ന് റിപ്പബ്ലിക്ക് ദിനത്തിൽ ചാന്നാനിക്കാട് വയോജന വേദി ഹാളിൽ വച്ച് സൗജന്യ ഹോമിയോ മെഡിക്കൽ ക്യാമ്പ് നടത്തും. വയോജന വേദി പ്രസിഡന്റ് ഡോ. ടി. എൻ. പരമേശ്വരക്കുറുപ്പിന്റെ ആദ്ധ്യക്ഷതയിൽ നടക്കുന്ന സമ്മേളനത്തിൽ വച്ച് പള്ളം ബ്ലോക്ക് പഞ്ചായത്ത്‌ പ്രസിഡന്റ് പ്രൊഫ. ടോമിച്ചൻ ജോസഫ് പരിപാടി ഉത്ഘാടനം ചെയ്യും. ബ്ലോക്ക് വൈസ് പ്രസിഡന്റ് രജനി അനിൽ മുഖ്യ പ്രഭാഷണം നടത്തും. ലൈബ്രറി കൗൺസിൽ കൺവീനർ സജി കെ.ചാണ്ടി, ആതുര സേവാ സംഘം സെക്രട്ടറി ഡോ. ഈ. കെ. വിജയകുമാർ, പഞ്ചായത്ത്‌ മെമ്പർ മാരായ ഡോ. ലിജി വിജയകുമാർ, എൻ. കെ. കേശവൻ, വയോജന വേദി സെക്രട്ടറി സി. കെ. മോഹനൻ, ജോ. സെക്രട്ടറി ഭുവനേശ്വരി ടീച്ചർ, ട്രഷറർ പി. പി. നാണപ്പൻ, ജില്ലാ ഹോമിയോ ആശുപത്രി സൂപ്രണ്ട് ഡോ. ഈ. എ. സൗദ, ആർ. എം. ഓ. ഡോ. ഉമാദേവി തുടങ്ങിയവർ പ്രസംഗിയ്ക്കും. ജില്ലാ ഹോമിയോ ആശുപത്രി പാലിയേറ്റീവ് കെയർ യൂണിറ്റിന്റെ നേതൃത്വത്തിൽ സൗജന്യഹോമിയോ മെഡിക്കൽ ക്യാമ്പ് നടക്കും. ക്യാമ്പിൽ പങ്കെടുക്കുന്ന എല്ലാവരുടേയും ബ്ലഡ് ഷുഗർ, പ്രഷർ തുടങ്ങിയവയും പരിശോധിയ്ക്കും.
