ന്യൂസ് ഡെസ്ക് : ബോളിവുഡില്‍ വര്‍ധിച്ച്‌ വരുന്ന ഡീപ് ഫെക്ക് വീഡിയോയില്‍ പ്രതികരിച്ച്‌ നടന്‍ ഷാഹിദ് കപൂര്‍. എഐയെ മനുഷ്യര്‍ ദുര്‍വിനിയോഗം ചെയ്യുകയാണെന്നും മനുഷ്യന്മാരാണ് യഥാര്‍ത്ഥ വില്ലന്മാര്‍ എന്നുമാണ് താരം പറഞ്ഞത്.താരത്തിന്റെ വരാനിരിക്കുന്ന സിനിമയുടെ പ്രമോഷന്റെ ഭാഗമായി ഡല്‍ഹിയില്‍ എത്തിയപ്പോഴാണ് താരത്തിന്റെ പ്രതികരണം.
‘മനുഷ്യന്മാര്‍ ആണ് പ്രശ്‌നം. അവരാണ് ലോകത്തോട് ഇത് ചെയ്യുന്നത്. എന്നിട്ട് എഐയെ കുറ്റം പറയും. നമ്മള്‍ റിയാലിറ്റിയില്‍ അല്ല ജീവിക്കുന്നത്. യഥാര്‍ത്ഥമല്ലാത്തത് സോഷ്യല്‍ മീഡിയയില്‍ കാണിക്കുകയാണ് നമ്മള്‍. എന്നിട്ട് യാഥാര്‍ത്ഥ്യവുമായി ഇത് താരതമ്യം ചെയ്ത് വിഷാദത്തിലേക്ക് വീഴുന്നു. അതാണ് സത്യം. നമ്മള്‍ മറ്റൊരു യാഥാര്‍ത്ഥ്യത്തെ തിരയുകയാണ്. അതാണ് എഐ. മനുഷ്യന്‍ നിര്‍മിച്ചതും ദൈവം സൃഷ്ടിച്ചതും തമ്മില്‍ വ്യത്യാസമുണ്ട്.- ഷാഹിദ് കപൂര്‍ ഇന്ത്യ ടുഡേയോട് പറഞ്ഞു.
