കോട്ടയം: മോദിയുടെ ഗ്യാരണ്ടി പുതിയ കേരളം എന്ന മുദ്രാവാക്യം ഉയർത്തിക്കൊണ്ട് എൻഡിഎ സംസ്ഥാന ഘടകം ചെയർമാൻ കെ സുരേന്ദ്രൻ നയിക്കുന്ന കേരള പദയാത്ര നാളെ കോട്ടയം മണ്ഡലത്തിൽ എത്തുമെന്ന് എൻഡിഎ ജില്ലാ നേതൃത്വം അറിയിച്ചു. നാളെ വൈകിട്ട് മൂന്നു മണിക്ക് കോട്ടയം തിരുനക്കര പഴയ ബസ്റ്റാൻഡ് മൈതാനത്ത് നിന്ന് ആരംഭിക്കുന്ന പദയാത്ര സംക്രാന്തിയിൽ സമാപിക്കും.
Advertisements
രാവിലെ വൈക്കത്ത് എത്തുന്ന കെ സുരേന്ദ്രൻ പ്രമുഖ വ്യക്തികളെ സന്ദർശിക്കും. കഴിഞ്ഞ 10 വർഷക്കാലം രാജ്യത്ത് നടപ്പിലാക്കിയ വികസന പ്രവർത്തനങ്ങളും, സാധാരണക്കാർക്ക് നടത്തിയ പദ്ധതികൾ വിവരിക്കുന്നതിനും അതിൻറെ ഗുണഭോക്താക്കളെ നേരിൽ കാണുന്നതിനും ആയിട്ടാണ് പദയാത്ര എന്ന് ബി ജെ പി ജില്ലാ പ്രസിഡൻ്റ് ലിജിൻ ലാൽ പറഞ്ഞു.
