ഡല്‍ഹി : സ്റ്റേറ്റ് ബാങ്ക് ഓഫ് ഇന്ത്യയില്‍ (SBI) സ്‌പെഷ്യല്‍ കേഡർ ഓഫീസർ തസ്തികകളിലേക്കുള്ള റിക്രൂട്ട്മെൻ്റ് നടപടികള്‍ ആരംഭിച്ചു.താല്‍പ്പര്യവും യോഗ്യതയുമുള്ള ഉദ്യോഗാർത്ഥികള്‍ക്ക് ഔദ്യോഗിക വെബ്സൈറ്റ് sbi.co.in സന്ദർശിച്ച്‌ അപേക്ഷിക്കാം. ഈ റിക്രൂട്ട്‌മെൻ്റിലൂടെ, യോഗ്യരായ ഉദ്യോഗാർത്ഥികളെ മാനേജർ (ക്രെഡിറ്റ് അനലിസ്റ്റ്), അസിസ്റ്റൻ്റ് മാനേജർ (സെക്യൂരിറ്റി അനലിസ്റ്റ്), സർക്കിള്‍ ഡിഫൻസ് ബാങ്കിംഗ് അഡ്വൈസർ (സിഡിബിഎ) എന്നീ തസ്തികകളിലേക്ക് നിയമിക്കും.
എസ്ബിഐയില്‍ ആകെ 131 തസ്തികകളിലേക്ക് നിയമനം നടത്തും. അപേക്ഷിക്കാനുള്ള അവസാന തീയതി മാർച്ച്‌ നാല് ആണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
യോഗ്യത
ഉദ്യോഗാർത്ഥികള്‍ ഏതെങ്കിലും അംഗീകൃത സർവകലാശാലയില്‍ നിന്ന് ഏതെങ്കിലും വിഷയത്തില്‍ എംബിഎ (ഫിനാൻസ്)/ പിജിഡിബിഎ/പിജിഡിബിഎം/എംഎംഎസ് (ഫിനാൻസ്)/സിഎ/സിഎഫ്‌എ/ഐസിഡബ്ല്യുഎ പാസായിരിക്കണം. തസ്തികകള്‍ക്കനുസരിച്ചുള്ള വിദ്യാഭ്യാസ യോഗ്യത അറിയാൻ ഔദ്യോഗിക വെബ്സൈറ്റ് സന്ദർശിക്കുക.
ഒഴിവ് വിശദാംശങ്ങള്‍
മാനേജർ (ക്രെഡിറ്റ് അനലിസ്റ്റ്) – 50
അസിസ്റ്റൻ്റ് മാനേജർ (സെക്യൂരിറ്റി അനലിസ്റ്റ്) – 23
ഡെപ്യൂട്ടി മാനേജർ (സെക്യൂരിറ്റി അനലിസ്റ്റ്) – 51
മാനേജർ (സെക്യൂരിറ്റി അനലിസ്റ്റ്) – 03
അസിസ്റ്റൻ്റ് ജനറല്‍ മാനേജർ (അപ്ലിക്കേഷൻ സെക്യൂരിറ്റി) – 03
സർക്കിള്‍ ഡിഫൻസ് ബാങ്കിംഗ് അഡ്വൈസർ (സിഡിബിഎ) – 01
അപേക്ഷ ഫീസ്
ഈ തസ്തികകളിലേക്ക് അപേക്ഷിക്കുന്നതിന്, ജനറല്‍, ഒബിസി, ഇഡബ്ല്യുഎസ് ഉദ്യോഗാർത്ഥികള്‍ അപേക്ഷാ ഫീസായി 750 രൂപ ഓണ്‍ലൈനായി അടയ്‌ക്കേണ്ടതാണ്. അതേസമയം എസ്‌സി, എസ്ടി, ശാരീരിക വൈകല്യമുള്ള ഉദ്യോഗാർത്ഥികള്‍ അപേക്ഷാ ഫീസ് അടയ്‌ക്കേണ്ടതില്ല.
എങ്ങനെ അപേക്ഷിക്കാം
* ഔദ്യോഗിക വെബ്‌സൈറ്റായ sbi(dot)co(dot)in- ലേക്ക് പോകുക.
* ഹോം പേജില്‍ നിലവിലുള്ള റിക്രൂട്ട്മെൻ്റ് ലിങ്കില്‍ ക്ലിക്ക് ചെയ്യുക.
* ആവശ്യമായ എല്ലാ വിവരങ്ങളും പൂരിപ്പിക്കുക.
* രേഖകളുടെ സ്കാൻ ചെയ്ത പകർപ്പുകള്‍ അപ്ലോഡ് ചെയ്യുക.
* അപേക്ഷാ പ്രക്രിയ പൂർത്തിയാക്കാൻ നിശ്ചിത അപേക്ഷാ ഫീസ് ഓണ്‍ലൈനായി അടയ്ക്കുക.
* തുടർന്ന് സമർപ്പിക്കുക
