മലപ്പുറം: മഞ്ചേരിയില്‍ ഇതര സംസ്ഥാന തൊഴിലാളിയെ കൊല്ലപ്പെട്ട നിലയില്‍ കണ്ടെത്തി. മധ്യപ്രദേശ് സ്വദേശി ശങ്കറാണ് മരിച്ചത്. സംഭവത്തിൽ മഞ്ചേരി പൊലീസ് അന്വേഷണം തുടങ്ങി. മഞ്ചേരി നഗര മധ്യത്തിലെ ഇടവഴിയില്‍ ഇന്ന് രാവിലെയാണ് തല തകര്‍ന്ന് കിടക്കുന്ന നിലയില്‍ യുവാവിന്‍റെ മൃതദേഹം നാട്ടുകാര്‍ കണ്ടെത്തിയത്. സമീപത്തുണ്ടായിരുന്ന വെട്ടുകല്ലുപയോഗിച്ച് തലക്കടിച്ച് കൊലപ്പെടുത്തുക ആയിരുന്നുവെന്നാണ് നിഗമനം.
സമീപത്തു നിന്നും കൊല്ലപ്പെട്ടയാളുടെ തിരിച്ചറിയില്‍ കാര്‍ഡും പൊലീസിന് കിട്ടി. പിന്നീട് പ്രദേശത്തുള്ള ഇതര സംസ്ഥാന തൊഴിലാളിയാണ് കൊല്ലപ്പെട്ടതെന്ന് തിരിച്ചറിയുകയായിരുന്നു. തുടര്‍ന്ന് മലപ്പുറം എഎസ്പി ഉള്‍പ്പെടെയുള്ള ഉന്നത ഉദ്യോഗസ്ഥർ സ്ഥലത്തെത്തി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വൈകുന്നേരമാകുന്നതോടെ സാമൂഹ്യ വിരുദ്ധര്‍ ഇവിടെ താവളമാക്കുക പതിവാണെന്ന് നാട്ടുകാര്‍ പറഞ്ഞു. പുലര്‍ച്ചെയോടെയാണ് കൊലപാതകം നടന്നതെന്ന നിഗമനത്തിലാണ് പൊലീസ്. പ്രദേശത്തെ സി സിടിവി ദൃശ്യങ്ങള്‍ ശേഖരിച്ചിട്ടുണ്ട്. ഇന്‍ക്വസ്റ്റ് നടപടികള്‍ പൂര്‍ത്തിയാക്കിയ ശേഷം മൃതദേഹം പോസ്റ്റ്മോര്‍ട്ടത്തിനായി മഞ്ചേരി മെഡിക്കല്‍ കോളേജ് മോര്‍ച്ചറിയിലേക്ക് മാറ്റി.
