കനത്ത ചൂടിന് ആശ്വാസമോ? നാല് ജില്ലകളിൽ നേരിയ മഴയ്ക്കു സാധ്യതയെന്ന് കേന്ദ്ര കാലാവസ്ഥാ വകുപ്പ്

തിരുവനന്തപുരം : കേരളത്തിൽ കനത്ത ചൂടിനൊപ്പം ഇന്നു മഴ ലഭിക്കുമെന്നു കേന്ദ്ര കാലാവസ്ഥാ വകുപ്പ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ എന്നീ ജില്ലകളിലാണ് ഒറ്റപ്പെട്ട നേരിയ മഴയ്ക്കു സാധ്യതയെന്ന് കാലാവസ്ഥാ വകുപ്പ് പ്രവചിച്ചു. ഇന്നലെ തിരുവനന്തപുരം ജില്ലയിൽ പലയിടത്തും മഴ ലഭിച്ചു.

8 ജില്ലകളിൽ യെലോ അലർട്ട്

കൊല്ലം, പത്തനംതിട്ട, കോട്ടയം, ആലപ്പുഴ, തൃശൂർ, പാലക്കാട്, കണ്ണൂർ, കാസർകോട് ജില്ലകളിലാണ് ഇന്ന് ഉയർന്ന താപനില പ്രവചിക്കുന്നത്. ഈ ജില്ലകളിൽ യെലോ അലർട്ട് പ്രഖ്യാപിച്ചു.