കോട്ടയം : കോട്ടയം കുറവിലങ്ങാട് കെഎസ്ആര്‍ടിസി ബസ് കാറില്‍ ഇടിച്ച് മറിഞ്ഞ് അപകടം. നിരവധി പേര്‍ക്ക് പരിക്ക്. കുറവിലങ്ങാട് എം സി റോഡില്‍ കുര്യം കാളികാവിലാണ് അപകടം നടന്നത്. മൂന്നാര്‍ അടിമാലി റൂട്ടില്‍ ഓടുന്ന ബസ്സാണ് അപകടത്തില്‍ പെട്ടത്. ബസ് എതിരെ വന്ന കാറില്‍ ഇടിച്ച ശേഷം നിയന്ത്രണം നഷ്ടപ്പെട്ട് റോഡിലേക്ക് മറിയുകയായിരുന്നു. അപകടത്തില്‍ ബസ്സിന്റെ പിന്നിലെ ടയര്‍ ഊരിപ്പോയി. റോഡരുകിലെ പോസ്റ്റും ഇടിച്ചു തകര്‍ത്ത ശേഷമാണ് ബസ്സ് റോഡിലേക്ക് മറിഞ്ഞത്. അപകടത്തില്‍ പത്തോളം യാത്രക്കാര്‍ക്ക് പരിക്കേറ്റിട്ടുണ്ട് എന്നാണ് ലഭിക്കുന്ന വിവരം. കൂടുതല്‍ വിവരങ്ങള്‍ ലഭ്യമല്ല.
Advertisements
