കോട്ടയം: ശബരിമല തീർത്ഥാനടത്തിനിടെ മദ്യലഹരിയിൽ ഗതാഗതം നിയന്ത്രിച്ച പൊലീസ് ഉദ്യോഗസ്ഥന് സസ്‌പെൻഷൻ. എരുമേലിയിൽ ശബരിമല അയ്യപ്പഭക്തർ ഏറെയെത്തുന്ന സമയത്താണ് മദ്യലഹരിയിൽ പൊലീസ് ഉദ്യോഗസ്ഥൻ നിന്നത്. ഈ വീഡിയോ സാമൂഹിക മാധ്യമങ്ങളിൽ പ്രചരിച്ചിരുന്നു. ഇതിനു പിന്നാലെ ചില ഓൺലൈൻ മാധ്യമങ്ങൾ ഈ വീഡിയോ സഹിതം വാർത്ത ചെയ്യുകയും ചെയ്തിരുന്നു. ഇതിനു പിന്നാലെയാണ് ഈ പൊലീസ് ഉദ്യോഗസ്ഥനെ സസ്‌പെന്റ് ചെയ്ത് ജില്ലാ പൊലീസ് മേധാവി ഉത്തരവ് പുറത്തിറക്കിയത്.
Advertisements
ഉത്തരവാദിത്തപ്പെട്ട പോലീസ് ഉദ്യോഗസ്ഥനിൽ നിന്നും വന്നിട്ടുള്ള ഗുരുതരമായ അച്ചടക്കലംഘനം ആയതിനാൽ പൊലീസ് ഉദ്യോഗസ്ഥനെ ഉടനടി സസ്‌പെൻഡ് ചെയ്യുകയായിരുന്നു. ജില്ലാ പൊലീസ് മേധാവി ഡി.ശില്പയാണ് സസ്‌പെൻഷൻ ഉത്തരവ് പുറത്തിറക്കിയത്.