കോട്ടയം : കോട്ടയം കാഞ്ഞിരപ്പള്ളിയിൽ നിന്നും പെൺകുട്ടിയെ തട്ടിക്കൊണ്ട് പോയി. ബുധനാഴ്ച രാവിലെ 11 മണിയോട് കൂടിയാണ് സംഭവം. കാഞ്ഞിരപ്പള്ളി എ കെ ജെ എം സ്കൂളിന് സമീപത്ത് നിന്നും കെ എൽ 5 രെജിസ്ട്രേഷനിലുള്ള വെള്ള കാറിലാണ് കുട്ടിയെ തട്ടിക്കൊണ്ട് പോയത് എന്നാണ് ലഭിക്കുന്ന പ്രാഥമിക വിവരം. പോലീസ് ജില്ലാ ഒട്ടാകെ അന്വേഷണം വ്യാപിച്ചിരിക്കുകയാണ് . എന്നാൽ കുട്ടിയെ തട്ടിക്കൊണ്ട് പോയതായി വിവരം ലഭിച്ചിട്ട് മണിക്കൂറുകൾ പിന്നിട്ടിട്ടും ഇത് വരെ സംഭവത്തിൽ പരാതിക്കാർ എത്തിയിട്ടില്ല. അതിനാൽ തന്നെ സംഭവത്തിൽ കേസെടുത്തിട്ടില്ല എന്ന് പോലീസ് ജാഗ്രത ന്യൂസ് ലൈവിനോട് പറഞ്ഞു. പോലീസ് പ്രദേശത്താകെ തിരച്ചിൽ ആരംഭിച്ചിട്ടുണ്ട്. കുട്ടിയെ കുരുമുളക് സ്പ്രേ അടിച്ച ശേഷം കടത്തിക്കൊണ്ട് പോവുകയായിരുന്നു എന്നാണ് ലഭിക്കുന്ന വിവരം.
Advertisements
