പത്തനംതിട്ട :
അസന്നിഹിത വോട്ടര്‍മാര്‍ക്ക് വോട്ട് ചെയ്യാന്‍ സഹായിക്കുന്നതിനായുള്ള ഉദ്യോഗസ്ഥരുടെ ടീമിന്റെ പ്രവര്‍ത്തനം 15 മുതല്‍ ആരംഭിക്കുമെന്ന് ജില്ലാ തെരഞ്ഞെടുപ്പ് വരണാധികാരിയും ജില്ലാ കളക്ടറുമായ എസ് പ്രേം കൃഷ്ണന്‍. കൃത്യമായ പരിശീലനം ലഭിച്ച ടീം മുന്‍കൂട്ടി അറിയിപ്പ് നല്‍കിയശേഷം അസന്നിഹിത വോട്ടര്‍മാരുടെ താമസസ്ഥലത്തെത്തി വോട്ടു ചെയ്യുന്നതിന് ക്രമീകരണം ഏര്‍പ്പെടുത്തും. രണ്ടു പോളിംഗ് ഉദ്യോഗസ്ഥര്‍, ഒരു മൈക്രോ ഒബ്സര്‍വര്‍, വീഡിയോഗ്രാഫര്‍, ഒരു സുരക്ഷാ ഉദ്യോഗസ്ഥന്‍ എന്നിവരടങ്ങുന്നതാണ് ടീം. ഇവര്‍ എത്തുന്നതിന് രണ്ടു ദിവസം മുന്‍പ് ബൂത്ത് ലെവല്‍ ഏജന്റുമാരെ അറിയിക്കുമെന്നും കളക്ടര്‍ പറഞ്ഞു. കളക്ടറേറ്റ് കോണ്‍ഫറന്‍സ് ഹാളില്‍ സ്ഥാനാര്‍ഥികളുമായി നടന്ന യോഗത്തില്‍ സംസാരിക്കുകയായിരുന്നു അദേഹം.
Advertisements
