മട്ടാഞ്ചേരി:മട്ടാഞ്ചേരി കൂവപ്പാടം ഭാഗത്ത് താമസിക്കുന്ന ശെല്‍വൻ എന്നയാളെ ഇരുമ്ബ് വടി കൊണ്ട് അടിച്ച്‌ ഗുരുതരമായി പരിക്കേല്‍പ്പിച്ച്‌ കൊലപ്പെടുത്താൻ ശ്രമിച്ചയാളെ മട്ടാഞ്ചേരി പൊലീസ് അറസ്റ്റ് ചെയ്തു.പനയപിള്ളി ഭാഗത്ത് താമസിക്കുന്ന ജിനു കൃഷ്ണൻ(49) ആണ് അറസ്റ്റിലായത്.മദ്യപിക്കുന്നതിന് പണം കൊടുക്കാതിരുന്നതിന്റെ വിരോധത്തില്‍ കൂവപ്പാടം മാർക്കറ്റിനുള്ളില്‍ വച്ച്‌ ഇരുമ്ബ് വടി കൊണ്ട് ശെല്‍വനെ ക്രൂരമായി മർദ്ദിക്കുകയായിരുന്നു. ഗുരുതരമായി പരിക്കേറ്റ ശെല്‍വൻ കളമശേരി മെഡിക്കല്‍ കോളേജാശുപത്രിയില്‍ ചികിത്സയിലാണ്. സംഭവത്തിന് ശേഷം ഒളിവില്‍ പോയ പ്രതി കൂവപ്പാടത്തുണ്ടെന്ന രഹസ്യ വിവരം ലഭിച്ചതിന്റെ അടിസ്ഥാനത്തില്‍ മട്ടാഞ്ചേരി അസി.കമ്മിഷണർ കെ.ആർ മനോജ്,മട്ടാഞ്ചേരി പൊലീസ് ഇൻസ്‌പെക്ടർ എ.വി ബിജു,എസ്.ഐമാരായ അഭിലാഷ്,ജിമ്മി ജോസ്,ഷാജി,സീനിയർ സിവില്‍ പൊലീസ് ഓഫിസർ മനേഷ്,റജിമോൻ ചാണ്ടി എന്നിവരാണ് പ്രതിയെ പിടികൂടിയത്. പ്രതിയെ കോടതിയില്‍ ഹാജരാക്കി.
മദ്യപിക്കുന്നതിന് പണം നൽകിയില്ല: മട്ടാഞ്ചേരിയിൽ യുവാവിനെ ആക്രമിച്ച കേസിൽ ഒരാൾ അറസ്റ്റിൽ
