സിനിമ, ടിവിഷോ പ്രേമികള്‍ക്ക് കനത്ത തിരിച്ചടി. ഷോകള്‍ ഇനി ഡൗണ്ലോഡ് ചെയ്യാൻ കഴിയില്ല. വിന്‍ഡോസില്‍ നെറ്റ്ഫ്ലിക്സ് ഡൗണ്ലോഡ് ഒഴിവാക്കുമെന്ന് റിപ്പോർട്ട്.വിൻഡോസ് ആപ്പിലെ സ്ട്രീമിങ് മെച്ചപ്പെടുത്തുക പോലുള്ള കാര്യങ്ങളും തത്സമയ ഇവന്റ് കാണുന്നതിനുള്ളസംവിധാനവും ഏർപ്പെടുത്തുമെങ്കിലും താമസിയാതെ ഡൗണ്ലോഡ് ഫീച്ചർ ഒഴിവാക്കിയേക്കും.
വിൻഡോസ് 10, വിൻഡോസ് 11 എന്നിവയ്‌ക്കായുള്ള നെറ്റ്ഫ്ലിക്സ് ആപ്പിന്റെ നിലവിലെ പതിപ്പ് ഉപയോക്താക്കളെ ഷോകള്‍ 1080p (FullHD) വരെ ഡൗണ്ലോഡ് ചെയ്യാൻ അനുവദിക്കുന്നുണ്ട്. ടിവി ഷോകളും സിനിമകളും ഓഫ്‌ലൈനായി കാണുന്നതിനായുള്ള ഡൗണ്‍ലോഡുകള്‍ ഉടൻ തന്നെ മൊബൈലിലേക്കും ടാബ്‌ലെറ്റുകളിലേക്കും പരിമിതപ്പെടുത്തുമെന്നാണ് സൂചന.സ്റ്റാൻഡേർഡ് പ്ലാനുകളേക്കാള്‍ വളരെ കുറഞ്ഞ വിലയ്ക്ക് പ്ലാറ്റ്‌ഫോമില്‍ ഉള്ളടക്കം കാണാൻ ഉപയോക്താക്കളെ അനുവദിക്കുന്ന പരസ്യം വരുന്ന ആപ്പായിരിക്കും വിൻഡോസിനായി ലഭ്യമാകുക. പക്ഷേ ഇന്റർനെറ്റ് ലഭ്യമല്ലാത്ത സ്ഥലങ്ങളില്‍ യാത്ര ചെയ്യുമ്ബോള്‍ ഡൗണ്ലോഡ് ഫീച്ചർ ഒഴിവാക്കുന്നത് അത്ര ഉപയോഗപ്രദമാവില്ലെന്നാണ് ഉപയോക്താക്കള്‍ എക്സില്‍ കുറിക്കുന്നത്.
