തിരുവനന്തപുരം: ശ്രീറാം വെങ്കിട്ടരാമനെ സപ്ലൈക്കോ സിഎംഡി സ്ഥാനത്തുനിന്ന് മാറ്റി. പി.ബി. നൂഹിനെ ടൂറിസം ഡയറക്ടര്‍ സ്ഥാനത്തുനിന്നും നീക്കി. നൂഹ് സപ്ലൈക്കോ സിഎംഡിയാകും. ശ്രീറാമിന് പുതിയ ചുമതല നല്‍കിയിട്ടില്ലെന്നാണ് റിപ്പോര്‍ട്ട്.കെടിഡിസി എംഡി ശിഖ സുരേന്ദ്രന് ടൂറിസത്തിന്റെ അധിക ചുമതല ലഭിച്ചു. എന്നാല്‍ ആരോഗ്യ-കുടുംബക്ഷേമ വകുപ്പിലെ ഡെപ്യൂട്ടി സെക്രട്ടറി സ്ഥാനത്തുനിന്ന് ശിഖയെ മാറ്റി. എറണാകുളം ജില്ലാ വികസന കമ്മീഷണര്‍ എം.എസ്. മാധവിക്കുട്ടി ഈ സ്ഥാനത്തെത്തും. ഫോര്‍ട്ട് കൊച്ചി സബ് കളക്ടര്‍ കെ. മീരയ്ക്കാണ് എറണാകുളം ജില്ലാ വികസന കമ്മീഷണറുടെ ചുമതലയും. കൊച്ചിന്‍ സ്മാര്‍ട്ട് മിഷന്‍ ലിമിറ്റഡ് സിഇഒ ഷാജി വി. നായര്‍ക്ക് വൈറ്റില മൊബിലിറ്റി ഹബ് എംഡിയുടെ അധികച്ചുമതല കൂടി ലഭിച്ചു.
Advertisements