കോട്ടയം: കോട്ടയം കുടയംപടി സ്വദേശിയായ ടാറ്റു ആർട്ടിസ്റ്റിനെ ലഹരി മാഫിയ സംഘം കുമരകത്തെ റിസോർട്ടിൽ എത്തിച്ച് ക്രൂരമായി മർദിച്ചതായി പരാതി. ആക്രമണത്തിൽ ക്രൂരമായി പരിക്കേറ്റ കുടയംപടി സ്വദേശി മാർട്ടിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ചൊവ്വാഴ്ച വൈകിട്ടായിരുന്നു കേസിനാസ്പദമായ സംഭവം. ടാറ്റു ആർട്ടിസ്റ്റായ മാർട്ടിനെ ഒരു സംഘം ആളുകൾ റിസോർട്ടിലേയ്ക്ക് വിളിച്ചു കൊണ്ടു പോകുകയായിരുന്നു. തുടർന്ന്, റിസോർട്ടിനുള്ളിൽ തടഞ്ഞ് വച്ച് ആക്രമിസംഘം തന്നെ മർദിക്കുകയായിരുന്നുവെന്ന് മാർട്ടിൻ പറയുന്നു. ആക്രമണത്തിൽ ഗുരുതരമായി പരിക്കേറ്റ മാർട്ടിനെ ആദ്യം ജില്ലാ ജനറൽ ആശുപത്രിയിലും പിന്നീട് കോട്ടയം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.
Advertisements