കോട്ടയം: പാലായിൽ സ്‌കൂളിലേയ്ക്കു പോകാനിറങ്ങിയ രണ്ടു പെൺകുട്ടികളെ കാണാതായി. പാലാ പ്രീമെട്രിക് ഹോസ്റ്റലിലെ വിദ്യാർത്ഥിനികളെയാണ് കാണാതായത്. പ്ലസ് വൺ വിദ്യാർത്ഥിനികളായ ഇരുവരും ഈരാറ്റുപേട്ട, വാഗമൺ സ്വദേശികളാണ്. ഇരുവർക്കുമായി അന്വേഷണം ആരംഭിച്ചതായി പൊലീസ് അറിയിച്ചു. സ്‌കൂൾ അധികൃതരുടെ മൊഴിയെടുത്ത് പാലാ പൊലീസ് കേസെടുത്തിട്ടുണ്ട്.
വ്യാഴാഴ്ചച രാവിലെയായിരുന്നു കേസിനാസ്പദമായ സംഭവം. പാലായിലെ പ്രീമെട്രിക് ഹോസ്റ്റലിലെ വിദ്യാർത്ഥിനികളായിരുന്നു ഇരുവരും. രാവിലെ ഹോസ്റ്റലിൽ നിന്നും സ്‌കൂളിലേയ്ക്കു പോകുന്നതിനായി ഇരുവരും ഇറങ്ങിയിരുന്നു. എന്നാൽ, രണ്ടു പേരും സ്‌കൂളിൽ എത്തിയില്ല. ഇതേ തുടർന്നാണ് സ്‌കൂൾ അധികൃതർ പൊലീസിൽ പരാതി നൽകിയത്. പരാതിയുടെ അടിസ്ഥാനത്തിൽ പൊലീസ് സ്‌കൂൾ അധികൃതരെ വിളിച്ചു വരുത്തി. തുടർന്നു, മൊഴി രേഖപ്പെടുത്തുകയായിരുന്നു. ഇതേ തുടർന്നു പൊലീസ് കേസെടുത്ത് അന്വേഷണം ആരംഭിച്ചു. പാലാ എസ്.ഐ അഭിലാഷിന്റെ നേതൃത്വത്തിലാണ് അന്വേഷണം നടക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കഴിഞ്ഞ ദിവസം ഈരാറ്റുപേട്ടയിൽ നിന്നും പെൺകുട്ടിയെ കാണാതായിരുന്നു. ഈ കുട്ടിയെ തിരുവനന്തപുരത്തു നിന്നാണ് കണ്ടെത്തിയത്. ഇതിനു പിന്നാലെയാണ് ഇപ്പോൾ പാലായിൽ നിന്നും കുട്ടികളെ കാണാതായിരിക്കുന്നത്.