കോട്ടയം : കോട്ടയം ജോയ് മാളിന് മുമ്പിൽ ടാങ്കർ ലോറി സ്കൂട്ടറിന് പിന്നിലിടിച്ച് സ്കൂട്ടർ യാത്രക്കാരന്റെ കാലിന് ഗുരുതര പരിക്ക്.ഇന്ന് രാത്രി 8 മണിയോടുകൂടിയാണ് അപകടം സംഭവിച്ചത്. വെള്ളവുമായി വന്ന ടാങ്കർ ലോറിയാണ് അപകടത്തിന് കാരണമായത്. ലോറി ആക്ടിവിക്ക് പിന്നിൽ ഇടിച്ചാണ് അപകടം ഉണ്ടായത്. അപകടം ഉണ്ടായ ഉടൻ തന്നെ ലോറി ഡ്രൈവർ വാഹനത്തിൽ നിന്നും ഇറങ്ങി ഓടി രക്ഷപ്പെട്ടു. ലോറി ഡ്രൈവർ ആദ്യം ഓട്ടോറിക്ഷയിൽ ഓടിക്കയറുകയും തൊട്ടടുത്തുള്ള കടക്കാർ ഇത് മനസ്സിലാക്കുകയും ഓട്ടോ തടഞ്ഞു നിർത്തുകയും ചെയ്ത ഉടൻതന്നെ ഓട്ടോയിൽ നിന്നും ഇറങ്ങി ലോറി ഡ്രൈവർ ബസ്സിൽ കയറി രക്ഷപ്പെട്ടു. അപകടത്തിൽ യാത്രക്കാരന്റെ കാലിന് ഗുരുതരമായി പരിക്കേറ്റിട്ടുണ്ട്. ഓട്ടോറിക്ഷയിൽ ആശുപത്രിയിലേക്ക് മാറ്റാൻ ശ്രമിച്ചെങ്കിലും അതിന് സാധിക്കാതെ വന്നതോടുകൂടി ആംബുലൻസിലാണ് ഇദ്ദേഹത്തെ ആശുപത്രിയിലേക്ക് കൊണ്ടുപോയത്.സംഭവം അറിഞ്ഞു ഉടൻ തന്നെ പോലീസ് ഉദ്യോഗസ്ഥർ സംഭവസ്ഥലത്ത് എത്തിയിരുന്നു.ഇദ്ദേഹത്തെ ഉടൻതന്നെ മെഡിക്കൽ കോളേജ് ആശുപത്രിയിലേക്ക് മാറ്റി.ലോറി പോലീസുകാർ പോലീസ് സ്റ്റേഷനിലേക്ക് കൊണ്ടുപോയി.
