ലണ്ടൻ : ആൻഫീല്‍ഡിലും ആർനെ സ്ലോട്ടിന്റെ ലിവർപൂള്‍ വിജയത്തോടെ തുടങ്ങി. ഇന്ന് ബ്രെന്റ്ഫോർഡിനെ നേരിട്ട ലിവർപൂള്‍ എതിരില്ലാത്ത രണ്ടു ഗോളുകള്‍ക്ക് ആണ് വിജയിച്ചത്.മൊ സലായും ലൂയിസ് ഡിയസുമാണ് ലിവർപൂളിനായി ഗോളുകള്‍ നേടിയത്. ഇന്ന് മത്സരം ആരംഭിച്ച്‌ 13ആം മിനുട്ടില്‍ തന്നെ ലിവർപൂള്‍ ലീഡ് എടുത്തു. ഒരു കൗണ്ടർ അറ്റാക്കിലൂടെ ആയിരുന്നു ഈ ഗോള്‍. ജോട നല്‍കിയ പാസ് സ്വീകരിച്ച്‌ മുന്നേറിയ ലൂയിസ് ഡയസ് പന്ത് ലക്ഷ്യത്തില്‍ എത്തിച്ചു. രണ്ടാം പകുതിയില്‍ 70ആം മിനുട്ടില്‍ ആണ് മൊ സലായുടെ ഗോള്‍ വന്നത്. ലൂയിസ് ഡിയസിന്റെ അസിസ്റ്റില്‍ നിന്നായിരുന്നു ഈ ഗോള്‍. ഇതോടെ ലിവർപൂള്‍ വിജയം ഉറപ്പിച്ചു. രണ്ട് മത്സരങ്ങളില്‍ നിന്ന് ഇതോടെ ലിവർപൂളിന് ആറ് പോയിന്റായി.
Advertisements
