മുണ്ടക്കയം : കുട്ടിക്കാനം റോഡിൽ യുവാക്കളുടെ അഭ്യാസ പ്രകടനം. പോണ്ടിച്ചേരി രജിസ്‌ട്രേഷൻ വാഹനത്തിലാണ് രണ്ട് യുവാക്കള്‍ കാറിന്‍റെ ഡോറിലിരുന്ന് അഭ്യാസ പ്രകടനം നടത്തിയത്. മുണ്ടക്കയം കുട്ടിക്കാനം റോഡിൽ പെരുവന്താനത്തിനും അമലഗിരിക്കും ഇടയിൽ വ്യാഴാഴ്ച ഉച്ചക്ക് ശേഷമായിരുന്നു സംഭവം. കാറിനെ മറി കടക്കാൻ ശ്രെമിക്കുന്ന മറ്റൊരു കാർ എതിരെ വരുന്ന കാറിൽ ഇടിക്കാൻ തുടങ്ങുന്നതും കാർ ബ്രേക്ക്‌ ഇട്ട് നിർത്തുന്നതും കാണാം, പെരുവന്താനം സമീപത്തെ ഒരു കടയുടെ cctv ക്യാമറയിൽ പതിഞ്ഞ ദൃശ്യങ്ങൾ നിലവില്‍ പുറത്തുവന്നിട്ടുണ്ട്. കഴിഞ്ഞ മാസം മൂന്നാർ ഗ്യാപ് റോഡിൽ കേരള രജിസ്ട്രേഷനിലുള്ള വാഹനത്തിൽ യുവാക്കൾ അഭ്യാസ പ്രകടനം നടത്തിയത് വാർത്തയാവുകയും എംവിഡി അന്വേഷണം ആരംഭിക്കുകയും ചെയ്‌തിരുന്നു. എന്നാൽ വീണ്ടും ഇതുപോലെ തന്നെ ഉള്ള സംഭവം മുണ്ടക്കയം കുട്ടിക്കാനം മലയോര റോഡിലും അഭ്യാസ പ്രകടനവുമായി യുവാക്കൾ എത്തുന്നത് പ്രശ്‌നങ്ങൾ സൃഷ്‌ടിക്കുകയാണ്. പോണ്ടിച്ചേരി രജിസ്ട്രേഷനിലുള്ള വാഹനമായതിനാൽ തുടർനടപടികൾ എന്താകുമെന്നും ആശങ്കയുണ്ട്.
