ശ്രീനാരായണ ജയന്തി കുമരകം മത്സരവള്ളംകളി കുമരകം നിവാസികളുടെ ഹൃദയതുടിപ്പ്

കുമരകം : തിരുവോണനാളിൽ കോട്ടത്തോട്ടിൽ നടക്കാനിരിക്കുന്ന

ശ്രീനാരായണ ജയന്തി മത്സരവള്ളംകളിക്ക് ആവേശപൂർവ്വം കാത്തിരിക്കുകയാണ് കുമരകം നിവാസികൾ, ദുരന്തഭൂമികയായ

വയനാടിന് ചേർത്തു നിർത്തി വള്ളംകളി ഉപേക്ഷിക്കുന്നു എന്ന വാർത്ത വളരെ നിരാശയോടെയായിരുന്നു പൊതുസമൂഹം അറിഞ്ഞത്.

മാറ്റിവച്ച ജലോത്സവം തിരുവോണദിനമായ

 സെപ്റ്റംബർ 15 ഞായറാഴ്ച പകൽ

3:00 മണിക്ക് കോട്ടത്തോട്ടിനെ പ്രകമ്പനം കൊള്ളിക്കുന്നത് കുമരകം ജനതയ്ക്ക് ആവേശമാണ്,

 സെപ്റ്റംബർ 7, 8 തീയതികളിൽ കുമരകത്തെ ഭവനങ്ങൾ സന്ദർശിച്ചപ്പോൾ 

ആ ആവേശം നേരിട്ടറിയുകയായിരുന്നു ക്ലബ്ബ് പ്രവർത്തകർ. സന്ദർശനത്തിന് വളരെ സന്തോഷകരമായ സ്വീകരണമാണ് ശ്രീനാരായണ ജയന്തി പബ്ലിക് റേസ് ക്ലബ്ബ് പ്രവർത്തകർക്ക് ലഭിക്കുകയുണ്ടായിയെന്ന് ക്ലബ്ബ് ഭാരവാഹികൾ അറിയിച്ചു.