കോട്ടയം : കോട്ടയം മെഡിക്കല്‍ കോളേജ് ആശുപത്രിയിലെ കമ്മ്യൂണിറ്റി മെഡിസിന്‍ വിഭാഗത്തിനായി എംപി ഫണ്ട് വിനിയോഗിച്ച് വാങ്ങിയ മിനി ബസിന്റെ ഉദ്ഘാടനം നിര്‍വഹിച്ച് ജോസ് കെ മാണി എംപി.
മെഡിക്കല്‍ കോളേജ് പ്രിന്‍സിപ്പാള്‍ ഡോ വര്‍ഗ്ഗീസ് പി പുന്നൂസ് അധ്യക്ഷത വഹിച്ചു. കമ്മ്യൂണിറ്റി മെഡിസിന്‍ വിഭാഗം മേധാവി ഡോ സൈറു ഫിലിപ്പ്, വൈസ് പ്രിന്‍സിപ്പാള്‍ ഡോ അജിത് കുമാര്‍, പിടിഎ പ്രസിഡന്റ് അഡ്വ. ഗിരിജ ബാബു, സ്റ്റുഡന്റ്‌സ് യൂണിയന്‍ ചെയര്‍മാന്‍ ആഷിഷ്, മെഡിക്കോ സോഷ്യോളജി വിഭാഗം ലക്ചറര്‍ ഡോ സന്തോഷ് കുമാര്‍ എ ജി, തുടങ്ങിയവര്‍ സംസാരിച്ചു. വിദ്യാര്‍ത്ഥികള്‍, ജീവനക്കാര്‍, പിടിഎ അംഗങ്ങള്‍ തുടങ്ങിയവര്‍ സന്നിഹിതരായിരുന്നു. ജോസ് കെ മാണി എംപിയുടെ പ്രാദേശിക വികസന ഫണ്ടില്‍ നിന്നും 15.5 ലക്ഷം രൂപ ചിലവഴിച്ചാണ് മിനി ബസ് വാങ്ങിയത്. ജില്ലയുടെ ഉള്‍പ്രദേശങ്ങളിലേക്ക് മെഡിക്കല്‍ കോളേജിലെ കമ്മ്യൂണിറ്റി മെഡിസിന്‍ വിഭാഗത്തിന് എത്തി സേവനങ്ങള്‍ ലഭ്യമാക്കുന്നതിനും പഠനങ്ങളും അനുബന്ധ പ്രവര്‍ത്തനങ്ങളുമൊക്കെ നടത്തുന്നതിനും വേണ്ടിയാണ് പുതിയ ബസ് എംപി ഫണ്ടില്‍ നിന്നും അനുവദിച്ചത്.
