തിരുവല്ല: മുത്തൂറിൽ തെരുവുനായ കുറുകെ ചാടി ബൈക്ക് യാത്രക്കാരന് പരിക്ക്. ചങ്ങനാശേരി മാടപ്പള്ളി തെങ്ങണ സ്വദേശി റെജിമോനാണ് പരിക്കേറ്റത്. കഴിഞ്ഞ ദിവസം രാവിലെ 6.15 ഓടെയായിരുന്നു സംഭവം. തിരുവല്ല മുത്തൂർ ആത്തറ ജംഗ്ഷനു സമീപമായിരുന്നു അപകടം. ചങ്ങനാശേരിയിൽ നിന്നും കുറ്റൂർ ഭാഗത്തേയ്ക്ക് കോൺക്രീറ്റ് ജോലികൾക്ക് പോകുകയായിരുന്നു റെജിമോൻ. ഈ സമയം റോഡരികിൽ നിന്ന തെരുവുനായ കുറുകെ ചാടുകയായിരുന്നു. സാരമായി പരിക്കേറ്റ ഇദ്ദേഹത്തെ ഉടൻ തന്നെ നാട്ടുകാർ ചേർന്ന് തിരുവല്ല ഗവ.ആശുപത്രിയിൽ എത്തിച്ചു. പ്രാഥമിക ചികിത്സ നൽകിയ ശേഷം ഇദ്ദേഹത്തെ വിട്ടയച്ചു. പ്രദേശത്ത് തെരുവുനായ ശല്യം അതിരൂക്ഷമാണെന്നാണ് റിപ്പോർട്ടുകൾ. ഇതേ തുടർന്നാണ് ഇത്തരത്തിൽ അപകടം ഉണ്ടാകുന്നതെന്നും പരാതിയുണ്ട്. അധികൃതർ വിഷയത്തിൽ അടിയന്തര നടപടി സ്വീകരിക്കണെന്നാണ് നാട്ടുകാരുടെ ആവശ്യം.
Advertisements
