കോട്ടയം : കോട്ടയം നഗര മധ്യത്തിൽ നിയന്ത്രണം നഷ്ടമായ പിക്കപ്പ് വാഹനം ഓട്ടോറിക്ഷയിലും കാറിലും ഇടിച്ച് മറിഞ്ഞ അപകടത്തിൽ മൂന്നുപേർക്ക് പരിക്ക്. മുളങ്കുഴ സ്വദേശികളായ അജി, ബിനു, ലോറി ഡ്രൈവറായ ഒരു യുവാവിനുമാണ് പരിക്കേറ്റത്. ഇവരെ കോട്ടയം ജില്ലാ ജനറൽ ആശുപത്രിയിൽ പ്രവേശിപ്പിച്ചിരിക്കുകയാണ്. അപകടത്തെ തുടർന്ന് നഗരമധ്യത്തിൽ വൻ ഗതാഗതക്കുരുക്കാണ് അനുഭവപ്പെടുന്നത്.
നിയന്ത്രണം നഷ്ടമായ വാഹനം ഇടിച്ചു നിന്നത് കെഎസ്ഇബിയുടെ ട്രാൻസ്ഫോർമറിലേക്കായിരുന്നു. ആയതിനാൽ നഗരമധ്യത്തിൽ മണിക്കൂറുകളായി വൈദ്യുതിയും നഷ്ടപ്പെട്ടിരിക്കുകയാണ്. കോട്ടയം കെഎസ്ആർടിസി സ്റ്റാൻഡ് റോഡ് ഇറങ്ങി വരികയായിരുന്ന പിക്കപ്പ് വാഹനമാണ് അപകടത്തിൽപ്പെട്ടത്. നിയന്ത്രണം നഷ്ടമായ പിക്കപ്പ് വാഹനം മുന്നിലൂടെ പോയ ഓട്ടോറിക്ഷയിലും കാറിലും ഇടിച്ച് കെഎസ്ഇബിയുടെ ട്രാൻസ്ഫോമറിലേക്ക് ഇടിച്ച് കയറുകയായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഏകദേശം നാല് ലക്ഷം രൂപയുടെ നഷ്ടം സംഭവിച്ചതായി കെഈഇബി അധികൃതർ അറിയിച്ചു. അപകടത്തെ തുടർന്ന് ടിബി റോഡിൽ വൻ ഗതാഗതക്കുരുക്കുണ്ടായി. എംസാന്റ്റുമായി വന്ന വാഹനമാണ് അപകടത്തിൽപ്പെട്ടത്.
