വൈക്കം: സി പി എം വൈക്കം ഏരിയ സമ്മേളനത്തിന് വെച്ചൂരിൽ തുടക്കമായി. ഇന്നലെ വിവിധ സ്ഥലങ്ങളിൽ നിന്ന് കൊടിമര ജാഥ സമ്മേളന നഗരിയിലേയ്ക്കെത്തി. ഇന്ന് രാവിലെ പതാക ഉയർത്തി. തുടർന്ന് രക്തസാക്ഷി പ്രമേയം, അനുശോചന പ്രമേയം എന്നിവ അവതരിപ്പിച്ചു. തുടർന്ന് നടന്ന പ്രതിനിധി സമ്മേളനം സിപിഎം ജില്ലാ സെക്രട്ടറിയേറ്റ് അംഗം സി.ജെ. ജോസഫ് ഉദ്ഘാടനം ചെയ്തു. ഏരിയ സെക്രട്ടറി കെ. അരുണൻ പതാക ഉയർത്തി. പി.കെ. ഹരികുമാർ, കെ.കെ.ഗണേശൻ, കെ. കുഞ്ഞപ്പൻ, പി. ശശിധരൻ, പി. ഹരിദാസ്, സ്വാഗത സംഘം ചെയർമാൻ എൻ. സുരേഷ് കുമാർ തുടങ്ങിയവർ സംബന്ധിച്ചു. തുടർന്ന് ഗ്രൂപ്പ് ചർച്ച,പൊതു ചർച്ച എന്നിവ നടന്നു. നാളെ ചർച്ചയും മറുപടിയും.നാലിന് വൈകുന്നേരം അഞ്ചിന് ബണ്ട് റോഡ് ജംഗ്ഷനിൽ നിന്ന് ഇടയാഴത്തേക്ക് റെഡ് വാളിൻ്റിയർ പരേഡ്. തുടർന്ന് നടക്കുന്ന പൊതുസമ്മേളനം സി പി എം സംസ്ഥാന കമ്മറ്റി അംഗം പി. ജയരാജൻ ഉദ്ഘാടം ചെയ്യും.സി പി എം ജില്ലാ സെക്രട്ടറി എ.വി. റസൽ,അഡ്വ. പി.കെ. ഹരികുമാർ, ടി.ആർ.രഘുനാഥൻ, സി.ജെ. ജോസഫ്, ലാലിച്ചൻജോർജ് തുടങ്ങിയവർ പ്രസംഗിക്കും.
