ആഭിചാര ക്രിയകൾ നടന്ന വീട് കേന്ദ്രീകരിച്ച് എം.ഡി.എം.എ കച്ചവടവും; മുണ്ടക്കയം ചോറ്റിയിൽ 10 ഗ്രാം എം.ഡി.എം.എയുമായി മാതാപിതാക്കളും മകനും സുഹൃത്തും പിടിയിൽ

മുണ്ടക്കയം: ആഭിചാരക്രിയകൾ നടന്ന വീട് കേന്ദ്രീകരിച്ച് എം.ഡി.എം.എ കച്ചവടവും. മുണ്ടക്കയത്ത് വീട് കേന്ദ്രീകരിച്ച് നടന്ന എം.ഡി.എം.എ കച്ചവടവുമായി ബന്ധപ്പെട്ട് മാതാപിതാക്കളും മകനും സുഹൃത്തും പിടിയിലായി. ഇവരിൽ നിന്നും 10 ഗ്രാം എം.ഡി.എം.എ പിടിച്ചെടുത്തു. വിശദാംശങ്ങൾ പൊലീസ് പുറത്ത് വിട്ടിട്ടില്ല. കോട്ടയം ജില്ലാ പൊലീസ് മേധാവി ഷാഹുൽ ഹമീദിന്റെ ലഹരി വിരുദ്ധ സ്‌ക്വാഡ് സംഘമാണ് എം.ഡി.എം.എ പിടിച്ചെടുത്തതും വീട് പരിശോധിച്ചതും. മുണ്ടക്കയം പൊലീസ് സംഘവും റെയിഡിന് നേതൃത്വം നൽകി.
ആഭിചാരക്രിയകൾ നടന്നതിന്റെ സൂചനയും പൊലീസിനു ലഭിച്ചു. ഇക്കാര്യങ്ങൾ അടക്കം വിശദമായി പരിശോധിച്ചു വരികയാണെന്ന് പൊലീസ് അറിയിച്ചു. 5 ഏക്കറിൽ സ്ഥിതി ചെയ്യുന്ന പുരയിടത്തിൽ നിരവധി പേർ പുറത്തു നിന്നും വന്നു പോകുന്നതായി സൂചന ലഭിച്ചിരുന്നു. ഇതേ തുടർന്ന് ദിവസങ്ങളായി പൊലീസ് നിരീക്ഷണത്തിലാക്കുന്നു വീടും പരിസരവും.