‘മഴയും തണുപ്പും, നാളെ അവധിയുണ്ടോ കളക്ടറെ’; കളക്ടര്‍മാരുടെ പേജില്‍ ചോദ്യങ്ങളുടെ പൂരം

കോട്ടയം : കനത്ത മഴയേത്തുടർന്ന് തൃശൂർ, കാസർകോട് ജില്ലകളിലെ വിദ്യാഭ്യാസ സ്ഥാപനങ്ങൾക്ക് കളക്‌ടർ അവധി പ്രഖ്യാപിച്ചു. ഇരുജില്ലകളിലെയും അങ്കണവാടി, ട്യൂഷൻ സെന്റർ, പ്രൊഫഷണൽ കോളേജ് ഉൾപ്പെടെയുള്ള വിദ്യാഭ്യാസസ്ഥാപനങ്ങൾക്കാണ് അവധി പ്രഖ്യാപിച്ചത്. മുൻകൂട്ടി നിശ്ചയിച്ച പരീക്ഷകൾക്കും അഭിമുഖങ്ങൾക്കും മാറ്റമുണ്ടാവില്ല. റെസിഡൻഷ്യൽ വിദ്യാഭ്യാസ സ്ഥാപനങ്ങൾക്ക് അവധി ബാധകമല്ല. ഇതിന് പിന്നാലെ മറ്റ് കളക്‌ടർമാരുടെ പേജിലാകെ ചോദ്യങ്ങളുടെ പെരുമഴയാണ്. നാളെ അവധിയുണ്ടോ കളക്ടറെ, നല്ല മഴയും തണുപ്പുമാണ്, അവധി തരില്ലെ, എന്നിങ്ങനെ പോകുന്നു ചോദ്യങ്ങൾ. ശക്തമായ മഴ പെയ്യുന്ന സാഹചര്യത്തിൽ ഇനി ഏതെല്ലാം ജില്ലകളിൽ രാത്രി അവധി പ്രഖ്യാപിക്കും എന്ന കാത്തിരിപ്പിലാണ് ഓരോരുത്തരും.ഇന്നലെ ശക്തമായ മഴയെ തുടർന്ന് 5 ജില്ലകളിൽ അവധി നൽകിയിരുന്നു.