തിരുവനന്തപുരം: രാത്രിയിലും പോസ്റ്റ്മോർട്ടം നടത്താൻ സംവിധാനമൊരുക്കണമെന്ന് അഞ്ച് മെഡിക്കല്‍ കോളേജുകള്‍ക്ക് മെഡിക്കല്‍ വിദ്യാഭ്യാസ ഡയറക്ടർ നിർദേശം നല്‍കി. ഇതുസംബന്ധിച്ചുള്ള ഹൈക്കോടതി ഉത്തരവ് ഉടനടി നടപ്പാക്കണമെന്ന് സർക്കാർ ഉത്തരവ്. മെഡിക്കല്‍ കോളേജ് സൂപ്രണ്ടും ഫൊറൻസിക് മേധാവിയും ഇതിനുവേണ്ട നടപടിയെടുക്കണം. രാത്രി പോസ്റ്റ്മോർട്ടം നടത്താൻ ആവശ്യത്തിന് അനുബന്ധജീവനക്കാരെ അനുവദിക്കും.
Advertisements
ഒക്ടോബർ ഒന്നുമുതല്‍ മഞ്ചേരി മെഡിക്കല്‍ കോളേജില്‍ രാത്രി പോസ്റ്റ്മോർട്ടം തുടങ്ങിയിരുന്നു. ആലപ്പുഴ, കോട്ടയം, തൃശ്ശൂർ, കോഴിക്കോട് മെഡിക്കല്‍ കോളേജുകളിലും ഇതുനടപ്പാക്കാനാണ് നിർദേശം. മതിയായ ജീവനക്കാരും സൗകര്യവും ഇല്ലാത്തതാണ് രാത്രി പോസ്റ്റ്റ്മോർട്ടം ചെയ്യാനുള്ള തടസ്സമായി മെഡിക്കല്‍കോളേജുകള്‍ ചൂണ്ടിക്കാണിച്ചിരുന്നത് .
