കോട്ടയം ജില്ലയിൽ ദുരിതാശ്വാസ ക്യാമ്പുകൾ പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്ക് അവധി: ജില്ലയിൽ പ്രവർത്തിക്കുന്നത് ഏഴ് ദുരിതാശ്വാസ ക്യാമ്പുകൾ

കോട്ടയം: ജില്ലയിൽ ദുരിതാശ്വാസ ക്യാമ്പുകൾ പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്കും കിളിരൂർ എസ്.വി.ജി.പി. എച്ച്.എസിനും കിളിരൂർ ഗവൺമെൻ്റ് യു.പി.എസ്, തിരുവാർപ്പ് സെൻ്റ് മേരീസ് എൽ.പി. സ്കൂൾ, വേളൂർ ഗവൺമെൻ്റ് എൽ.പി. സ്കൂൾ, ചിപ്പുങ്കൽ ഗവൺമെൻ്റ് വെൽഫെയർ യു.പി. സ്കൂൾ എന്നീ സ്കൂളുകൾക്കും നാളെ ജൂൺ 18 ബുധനാഴ്ച അവധി പ്രഖ്യാപിച്ച് ജില്ലാ കളക്ടർ ജോൺ വി. സാമുവൽ ഉത്തരവായി. കോട്ടയം ജില്ലയില്‍ ഏഴ് ദുരിതാശ്വാസക്യാമ്പ് പ്രവര്‍ത്തിക്കുന്നു. 32 കുടുംബങ്ങളിലെ 105 പേർ ക്യാമ്പിലുണ്ട്. പുരുഷന്‍മാര്‍ 37, സ്ത്രീകള്‍ 46, കുട്ടികള്‍ 22.