വെള്ളൂർ: കെ പി പി എൽ സംയുക്ത ട്രേഡ് യൂണിയന്റെ നേതൃത്വത്തിൽ ഏകദിന ധർണ നടത്തി

ഫോട്ടോ:വിവിധാവശ്യങ്ങൾ ഉന്നയിച്ച് കെ പി പി എല്ലിന് മുന്നിൽ സംയുക്ത സമരസമിതിയുടെ നേതൃത്വത്തിൽ നടത്തിയ ഏകദിന ധർണ സിഐടിയു സംസ്ഥാന വൈസ് പ്രസിഡൻ്റ് ടി.ആർ.രഘുനാഥ് ഉദ്ഘാടനം ചെയ്യുന്നു

വെള്ളൂർ:കെ പി പി എല്ലിൽ ജോലി ചെയ്യുന്ന തൊഴിലാളികളും ജീവനക്കാരും നേരിടുന്ന പ്രതിസന്ധികൾക്ക് പരിഹാരം കാണണമെന്ന് ആവശ്യപ്പെട്ടു സംയുക്ത സമരസമിതിയുടെ നേതൃത്വത്തിൽ ഏകദിന ധർണ നടത്തി.

ജീവനക്കാരുടെ സ്ഥിര നിയമനം വേഗത്തിൽ ആക്കുക, കരാർ തൊഴിലാളികൾക്ക് മിനിമം വേതനം നടപ്പിലാക്കുക, തൊഴിലാളികൾക്കും ജീവനക്കാർക്കും നൽകുവാനുള്ള ആനുകൂല്യങ്ങളുടെ കുടിശിക തീർത്തു നൽകുക തുടങ്ങിയ ആവശ്യങ്ങൾ ഉന്നയിച്ചാണ് ധർണ നടത്തിയത് .
പ്രശ്നങ്ങൾക്ക് പരിഹാരം ഉണ്ടായില്ലെങ്കിൽ തുടർ പ്രക്ഷോഭങ്ങൾ നടത്തുമെന്ന് സമരസമിതി അറിയിച്ചു.

ധർണാ സമരത്തിൽ സംയുക്ത സമരസമിതി കൺവീനർ ടി.വി. മോഹനൻ അധ്യക്ഷത വഹിച്ചു.സിഐടിയു സംസ്ഥാന വൈസ് പ്രസിഡൻ്റ് സഖാവ് ടി. ആർ.രഘുനാഥ്‌ ധർണാസരം ഉദ്ഘാടനം ചെയ്തു.തോമസ് കല്ലാടൻ , കെ.എസ്‌.സന്ദീപ്,പി.വി. പൗലോസ്,ജെറോം കെ. ജോർജ്ജ് , ടി.പി.മുരളി , പീറ്റർ തുടങ്ങിയവർ പ്രസംഗിച്ചു.