രാജ്യത്ത് വീണ്ടും പാചകവാതക വില കൂട്ടി : ഗാർഹിക – വാണിജ്യ സിലിണ്ടറുകൾക്ക് വില കൂട്ടി

കൊച്ചി : രാജ്യത്ത് പാചകവാതക വില വീണ്ടും കൂട്ടി. ഗാര്‍ഹിക സിലിണ്ടറിന്  3.50 രൂപയാണ് വർധിച്ചത്. ഇതോടെ 14.2 കിലോ സിലിണ്ടറിന് 1010 രൂപയായി.  2021 ഏപ്രിൽ മുതൽ സിലിണ്ടറിന് 190 രൂപയിലധികമാണ് വില വർധിച്ചത്.  3.50 രൂപയുടെ വർധനയോടെ ഭൂരിഭാഗ സംസ്ഥാനങ്ങളിലും ഗാര്‍ഹിക  സിലിണ്ടറിന്റെ വില 1000 കടന്നു.  മേയ് മാസത്തിൽ തന്നെ രണ്ടാം തവണയാണ് ഗാർഹിക സിലിണ്ടറിന്റെ വില വർധിപ്പിക്കുന്നത്.  മേയ് 7ന് 50 രൂപ കൂട്ടിയിരുന്നു.