ചങ്ങനാശേരി: കാറും സ്‌കൂട്ടറും കൂട്ടിയിടിച്ച്
സ്‌കൂട്ടർ യാത്രികന് പരിക്ക്. മിത്രക്കരി സ്വദേശി പ്രമോദ് (46) ആണ് പരിക്കേറ്റത്. ഇന്നലെ വൈകിട്ട് 7.45 ഓടെ വാഴപ്പള്ളി സെൻറ് തെരേസാസ് സ്‌കൂളിന് സമീപത്തെ അപകട വളവിലാണ് സംഭവം. കോട്ടയം ഭാഗത്ത് നിന്നും ചങ്ങനാശേരി ഭാഗത്തേയ്ക്ക് വന്ന തിരുവല്ല സ്വദേശിയ ബാങ്ക് ജീവനക്കാരൻ സഞ്ചരിച്ച കാർ നിയന്ത്രണം വിട്ട് എതിർദിശയിൽ ഭാഗത്ത് പ്രമോദ് സഞ്ചരിച്ച സ്‌കൂട്ടറിൽ ഇടിക്കുകയായിരുന്നു. കാലിന് സാരമായി പരിക്കേറ്റ പ്രമോദിനെ ചങ്ങനാശേരി ജനറൽ ആശുപത്രിയിൽ പ്രവേശിപ്പിച്ചു.
പിന്നീട്, കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി. ഇലക്ട്രീഷ്യനായ പ്രമോദ് ജോലിയ്ക്കായി ചിങ്ങവനത്ത് നിന്നും 8.45 ബസിന്
സേലത്തിന് പോകുന്നതിനായി പോകവെയാണ് അപകടം. ചങ്ങനാശേരി പൊലീസ് മേൽനടപടികൾ സ്വീകരിച്ചു. സ്‌കൂളിന് സമീപത്തെ വളവ് സ്ഥിരം അപകട മേഖലയാണ്. റോഡിലെ കുഴിയും വേഗനിയന്ത്രണ സംവിധാനമില്ലാത്തതും കൂടുതൽ അപകടത്തിന് ഇടയാക്കുന്നതായി നാട്ടുകാർ പറഞ്ഞു.
