കോട്ടയം: ഓണംആഘോഷിക്കാൻ ഒരുക്കിയ വേദിയിലേയ്ക്ക് അപ്രതീക്ഷിത അതിഥിയായി തിരുവഞ്ചൂർ രാധാകൃഷ്ണൻ എം.എൽ.എ. മുട്ടമ്പലം ഗവ.സ്‌കൂൾ വിദ്യാർത്ഥികൾക്കാണ് സർപ്രൈസ് സമ്മാനിച്ച് എം.എൽ.എ ഓണാഘോഷ വേദിയിലേയ്ക്ക് എത്തിയത്. വെള്ളിയാഴ്ച രാവിലെയാണ് സ്‌കൂളിൽ ഓണാഘോഷ പരിപാടികൾ സംഘടിപ്പിച്ചത്. സ്‌കൂളിൽ നഗരസഭ അംഗം ജൂലിയസ് ചാക്കോയും പരിപാടികളിൽ പങ്കെടുത്തിരുന്നു. ഇവിടേയ്ക്കാണ് അപ്രതീക്ഷിത അതിഥിയായി തിരുവഞ്ചൂർ രാധാകൃഷ്ണൻ എം.എൽ.എ എത്തിയത്. കുട്ടികൾ മാവേലിയായി, മലയാളി മങ്കയായും കേരളീയ വേഷത്തിലും അടക്കം എത്തിയിരുന്നു. ഇവിടേയ്ക്കാണ് തിരുവഞ്ചൂർ എത്തിയത്. തുടർന്നു, കുട്ടികൾ ആവേശത്തോടെയാണ് ഇതിനെ സ്വീകരിച്ചത്. കയ്യടികളും ഓണപ്പാട്ടുകളുമായി കുട്ടികൾ കളം നിറയുകയും ചെയ്തു. ഒടുവിൽ കുട്ടികൾക്ക് ഓണാശംസകൾ അറിയിച്ച ശേഷമാണ് ഇദ്ദേഹം മടങ്ങിയത്.
Advertisements
