വെച്ചൂർ : വെച്ചൂർ പഞ്ചായത്ത് ഒന്നാം വാർഡ് സി ഡി എസിന്റ ആഭിമുഖ്യത്തിൽ ഓണാഘോഷം നടത്തി. സെറ്റുസാരിയും ബ്ലൗസും ധരിച്ചെത്തിയ വനിതകൾ വർണാഭമായ ഘോഷയാത്രയോടെയാണ് ഓണാഘോഷ പരിപാടികൾക്ക് തുടക്കം കുറിച്ചത്. ഇടയാഴം രുഗ്മിണി കല്യാണ മണ്ഡപത്തിൽ നടന്ന ഓണാഘോഷം ബ്ലോക്ക് പഞ്ചായത്ത് പ്രസിഡന്റ് കെ.കെ.രഞ്ജിത്ത് ഉദ്ഘാടനം ചെയ്തു. എഡിഎസ് സെക്രട്ടറി വൽസല അധ്യക്ഷത വഹിച്ചു.
വെച്ചൂർ പഞ്ചായത്ത് പ്രസിഡന്റ് കെ.ആർ. ഷൈല കുമാർ മുഖ്യ പ്രഭാഷണം നടത്തി. വെച്ചൂർ പഞ്ചായത്ത് വൈസ് പ്രസിഡന്റ് ബിൻസിജോസഫ് , പഞ്ചായത്ത് അംഗങ്ങളായ എൻ.സുരേഷ് കുമാർ , ബീന, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ വീണ അജി, എഡിഎസ് പ്രസിഡന്റ് പി.സജിത, വൈസ് പ്രസിഡന്റ് ഓമന പ്രകാശൻ തുടങ്ങിയവർ പ്രസംഗിച്ചു. ഓണ സദ്യയ്ക്ക് ശേഷം വനിതകളുടെ കലാപരിപാടികളും നടന്നു. എഡിഎസ് അംഗങ്ങളായ രാജമ്മ, ശോഭന ചിത്തിര, സുഷമ, കനകമ്മ ,സുധർമ്മ, ഇന്ദിര, ലതാ ബോസ്, അനില തുടങ്ങിയവർ നേതൃത്വം നൽകി.
