കോട്ടയം: വിജയാഘോഷത്തിനായി പാൽത്തൂ ജാൻവർ ടീം കോട്ടയത്ത്. പാൽത്തൂ ജാൻവറിലെ നായകൻ ബേസിൽ ജോസഫും, സംവിധായനും നടനുമായ ദിലീഷ് പോത്തനുമാണ് കോട്ടയത്ത് എത്തുന്നത്. ഞായറാഴ്ച രാവിലെ 11 ന് ഏറ്റുമാനൂർ യുജിഎമ്മിലും, 12 ന് കോട്ടയം ആനന്ദ് തീയറ്ററിലുമാണ് രണ്ടു പേരും എത്തുന്നത്. കോട്ടയം നഗരത്തിൽ എത്തുന്ന രണ്ടു പേരും പ്രേക്ഷകരുമായി സംവദിക്കുന്നതിനും സമയം കണ്ടെത്തുന്നുണ്ട്.
Advertisements
ജാൻ എ മന്നിനു ശേഷം ബേസിൽ ജോസഫ് നായകനായി എത്തുന്ന ചിത്രം കഴിഞ്ഞ ആഴ്ചയാണ് കോട്ടയത്ത് അടക്കം തീയറ്ററുകളിൽ റിലീസായത്. ചിത്രം വളരെ പ്രതീക്ഷ നൽകിയാണ് മുന്നേറുന്നത്. ഓണക്കാലത്ത് മലയാളത്തിൽ പ്രത്യേകിച്ച് വലിയ സിനിമകൊള്ളുന്നുമില്ലാത്തിതനാൽ കുടുംബങ്ങൾ ഏറെ ആകാംഷയോടെയാണ് പാൽത്തൂ ജാൻവറിനെ കാത്തിരിക്കുന്നത്. ഈ സാഹചര്യത്തിൽ നായകനും താരവും തീയറ്ററിൽ എത്തുന്നത് വലിയ ആവേശമാണ് സമ്മാനിക്കുന്നത്.
