ഡി.വൈ.എഫ്.ഐ കൂരോപ്പട മേഖലാ കമ്മിറ്റിയുടെ ഓണാഘോഷ പരിപാടി ഗ്രാമോത്സവം 2022 വെള്ളിയാഴ്ച

കൂരോപ്പട : ഡി.വൈ.എഫ്.ഐ കൂരോപ്പട മേഖലാ കമ്മിറ്റിയുടെ നേതൃത്വത്തിൽ സംഘടിപ്പിക്കുന്ന 17-ാമത് ഓണാഘോഷ പരിപാടി ഗ്രാമോത്സവം 2022 വെള്ളിയാഴ്ച കൂരോപ്പട കവലയിൽ നടക്കും. രാവിലെ 10 മുതൽ കുട്ടികളുടേയും മുതിർന്നവരുടേയും കായിക മത്സരങ്ങൾ അരങ്ങേറും.

മുതിർന്നവർക്കായി പകിടയുരുട്ട് , പകിട എണ്ണത്തിനുരുട്ട് , വട്ടുരുട്ട് , ബോൾ ത്രോ , വെള്ളംകുടി മത്സരം , കസേര കളി, ഊഹത്തൂക്കം , വടം വലി എന്നീ മത്സരങ്ങളാണ് ഒരുക്കിയിരിക്കുന്നത്. വിജയികൾക്ക് ആകർഷകമായ ക്യാഷ് പ്രൈസ് ആണ് ഒരുക്കിയിട്ടുള്ളത്. മത്സരത്തിൽ വിജയികളായ കുട്ടികൾക്ക് പുറമേ പങ്കെടുക്കുന്ന മുഴുവൻ കുട്ടികൾക്കും പ്രോത്സാഹന സമ്മാനം നൽകും.

വൈകിട്ട് നടക്കുന്ന പൊതുസമ്മേളനം സി.പി.എം ജില്ലാ സെക്രട്ടറിയേറ്റ് അംഗം കെ എം രാധാകൃഷ്ണൻ ഉദ്ഘാടനം ചെയ്യും. ഏരിയാ സെക്രട്ടറി സുഭാഷ് പി വർഗീസ് സമ്മാനദാനം നിർവഹിക്കും.