കൊച്ചി : പ്രധാനമന്ത്രി നരേന്ദ്രമോദിയുടെ പിറന്നാൾ ദിനത്തിൽ സാമൂഹിക പ്രവർത്തകൻ രാഹുൽ ഈശ്വർ നൽകിയ വിശേഷണവും ഫേസ്ബുക്ക് പോസ്റ്റും വിവാദത്തിൽ. പ്രധാനമന്ത്രി നരേന്ദ്രമോദി രണ്ടാം മഹാത്മാഗാന്ധി ആണെന്ന് വിശേഷിപ്പിച്ച , രാഹുലിന്റെ പോസ്റ്റാണ് വിവാദമായി മാറിയത്. പോസ്റ്റിനെതിരെ കടുത്ത വിമർശനവുമായി കോൺഗ്രസ് പ്രവർത്തകർ രംഗത്തെത്തിയോടെ രാഹുൽ ഈശ്വർ പ്രതിരോധത്തിലായി.

ഇതായിരുന്നു രാഹുലിന്റെ പോസ്റ്റ് – ഭാരതത്തിൻറെ രണ്ടാമത്തെ മഹാത്മാഗാന്ധി ആയ നമ്മുടെ പ്രധാനമന്ത്രി ശ്രീ നരേന്ദ്ര മോദിജിക്ക് (72) ജന്മദിനാശംസകൾ. ഇന്ത്യയെ കൂടുതൽ ഉയരങ്ങളിൽ എത്തിക്കാൻ ദൈവവും ഭാരത മാതാവും അദ്ദേഹത്തെ അനുഗ്രഹിക്കട്ടെ.

HappyBirthday @narendramodi ji, you are the becoming the #2ndMahatma of India. May God & Bharat Maa bless you to live long & take India to greater heights. #2ndMahatmaGandhi

HappyBdayModiji #PMModiji #NarendraModiJiBirthday #Modi Ji

രാഹുലിന്റെ പോസ്റ്റിന്
ട്രോളിന്റെ രൂപത്തിൽപ്പോലും ഇമ്മാതിരി തോന്ന്യാസം പറയരുത് മിസ്റ്റർ രാഹുൽ ഈശ്വർ. ശക്തമായ പ്രതിഷേധം അറിയിക്കുന്നു. – എന്ന മറുപടിയാണ് വി.ടി ബെൽറാം നൽകിയത്. ഇതോടെ കോൺഗ്രസ് പ്രവർത്തകരും രംഗത്തെത്തുകയായിരുന്നു. ഇതോടെ സോഷ്യൽ മീഡിയയിൽ രാഹുൽ ഈശ്വറിന്റെ പരാമർശം ചർച്ചയായി മാറി.