വൈക്കം: സംസ്ഥാന ലൈബ്രറി കൗൺസിലിന്റെ മുഖ മാസികയായ ഗ്രന്ഥാലോകം മാസികയ്ക്ക് കോട്ടയം ജില്ലയിൽ ഏറ്റവും കൂടുതൽ വരിക്കാരെ ചേർത്തതിന് ജില്ലാ ലൈബ്രറി കൗൺസിൽ ഏർപ്പെടുത്തിയ പ്രഥമ പുരസ്‌കാരം വൈക്കം താലൂക്കിലെ കാട്ടിക്കുന്ന് പബ്‌ളിക്ക് ലൈബ്രറി നേടി. ജില്ലാ ലൈബ്രറി കൗൺസിലും വികസന സമിതിയും ചേർന്ന് സംഘടിപ്പിച്ചിരിക്കുന്ന പുസ്തകോത്സവം ഉത്ഘാടന വേദിയിൽ വെച്ച് തിരുവഞ്ചൂർ രാധാകൃഷ്ണൻ എം.എൽ.എ. യുടെ അദ്ധ്യക്ഷതയിൽ ചേർന്ന യോഗത്തിൽ സഹകരണ – സാംസ്‌കാരിക വകുപ്പ് മന്ത്രി വി. എൻ. വാസവൻ പ്രശസ്തി പത്രം ലൈബ്രറി സെക്രട്ടറി ടി.എം. രാമചന്ദ്രൻ പ്രസിഡന്റ് ടി. കെ. പീതാംബരൻ എന്നിവർക്ക് സമ്മാനിച്ചു.
Advertisements
വൈസ് പ്രസിഡന്റ് കെ. എം. ശ്രീവത്സൻ, കമ്മിറ്റി അംഗങ്ങളായ ടി.വി. ചന്ദ്രൻ, എം. എസ്. കൃഷ്ണകുമാർ, സി.പി. മനോഹരൻ, താലൂക് കൗൺസിൽ അംഗം സി. ആർ. പുരുഷോത്തമൻ എന്നിവരും കൂടെയുണ്ടായിരുന്നു.
