വൈക്കം: എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയ സ്റ്റേറ്റ്, സിബിഎസ്ഇ തലത്തിലുള്ള വിദ്യാർത്ഥികളെയും, പ്രൊഫഷണൽ കോഴ്‌സുകളിൽ വിജയം നേടിയ വിദ്യാർഥികളെയും സിപിഐഎം വൈക്കം ടൗൺ സൗത്ത് ലോക്കൽ കമ്മറ്റിയുടെ നേതൃത്വത്തിൽ
അനുമോദിച്ചു. വൈക്കം തെക്കേനട വടയാർ സമൂഹ ഹാളിൽ നടന്ന ‘ മികവ് 2022’ വിദ്യാഭ്യാസ അവാർഡ് സമർപ്പണ സമ്മേളനം സാഹിത്യപ്രവർത്തക സഹകരണ സംഘം പ്രസിഡന്റ് അഡ്വ പി കെ ഹരികുമാർ ഉദ്ഘാടനം ചെയ്തു.
ലോക്കൽ സെക്രട്ടറി എം സുജിൻ അധ്യക്ഷനായി. പരീക്ഷയിൽ നൂറുമേനി വിജയം നേടിയ വൈക്കം ഗവ. ബോയ്‌സ് ഹയർ സെക്കന്ററി സ്‌കൂൾ, ഗവ.ഗേൾസ് ഹയർ സെക്കൻഡറി സ്‌കൂൾ, സെന്റ് ലിറ്റിൽ തെരേസാസ് ഹയർ സെക്കൻഡറി സ്‌കൂൾ, സത്യാഗ്രഹ സ്മാരക ആശ്രമം ഹയർ സെക്കൻഡറി സ്‌കൂൾ എന്നീ സ്‌കൂളുകളെയും 25 വിദ്യാർത്ഥികളെയും ചടങ്ങിൽ ആദരിച്ചു. സിപിഐഎം വൈക്കം ഏരിയ കമ്മിറ്റി അംഗങ്ങളായ പി ഹരിദാസ്, പി ശശിധരൻ, വിവിധ സ്‌കൂളുകളിലെ പ്രധാനാധ്യാപകർ തുടങ്ങിയവർ സംസാരിച്ചു . ലോക്കൽ കമ്മിറ്റി അംഗങ്ങളായ പി സി അനിൽകുമാർ സ്വാഗതവും വി ജി ശശി നന്ദിയും പറഞ്ഞു.
