കോട്ടയം: മണർകാട് പെരുമാനൂർ കുളത്ത് കറുത്ത നിറത്തിലുള്ള ലാബ്രഡോർ നായ അലഞ്ഞു തിരിഞ്ഞ് നടക്കുന്നു. വീട്ടിൽ വളർത്തുന്ന കഴുത്തിൽ ചങ്ങലയോട് കൂടിയ നായയാണ് കാലിൽ പരിക്കേറ്റ നിലയിൽ മണർകാട് പെരുമാനൂർ കുളം ഭാഗത്ത് അലഞ്ഞ് തിരിഞ്ഞ് നടക്കുന്നത്. വ്യാഴാഴ്ച വൈകിട്ടോടെയാണ് നായയെ അസ്വാഭാവികമായ സാഹചര്യത്തിൽ പ്രദേശത്ത് കണ്ടത്. നാട്ടുകാരിൽ ചിലർ നായയുടെ ചിത്രം പകർത്തി സോഷ്യൽ മീഡിയ വഴി പ്രചരിപ്പിക്കുന്നുണ്ട്. നായയുടെ ഉടമകൾ ഉണ്ടെങ്കിൽ തിരിച്ചറിഞ്ഞ് വീട്ടിലേയ്ക്കു കൂട്ടിക്കൊണ്ടു പോകുന്നതിനു വേണ്ടിയാണ് ഇപ്പോൾ പ്രചാരണം നടക്കുന്നത്.
Advertisements
