വൈക്കം : ഡിവൈഎഫ്ഐ സംസ്ഥാന കമ്മിറ്റി ആഹ്വാനം ചെയ്ത ലഹരിക്കെതിരെ ജനകീയ കവചം ക്യാമ്പയിന്റെ ഭാഗമായി ഡിവൈഎഫ്ഐ ഉദയനാപുരം ഈസ്റ്റ് മേഖലാ കമ്മിറ്റിയുടെ നേതൃത്വത്തിൽ ക്രിക്കറ്റ് ടൂർണമെന്റ് സംഘടിപ്പിച്ചു. ‘ലഹരിയുടെ ചങ്ങലകൾ തകർത്ത് പുതുതലമുറയെ കളി ഇടങ്ങളിലേക്ക് നയിക്കാൻ” എന്ന മുദ്രാവാക്യമുയർത്തി കൊടിയാട് നടത്തിയ ടൂർണമെന്റ് ഉദയനാപുരം സർവീസ് സഹകരണ ബാങ്ക് പ്രസിഡന്റ് ടി ടി സെബാസ്റ്റ്യൻ ഉദ്ഘാടനം ചെയ്തു. മേഖലാ പ്രസിഡന്റ് കെ ദീപേഷ് അധ്യക്ഷനായി. ഡിവൈഎഫ്ഐ ബ്ലോക്ക് സെക്രട്ടറി ആനന്ദ് ബാബു, മേഖലാ സെക്രട്ടറി പോൾ സേവ്യർ, സിപിഐഎം ഉദയനാപുരം ഈസ്റ്റ് ലോക്കൽ സെക്രട്ടറി ജി രവികുമാർ, ബ്രാഞ്ച് സെക്രട്ടറി കെ ടി രാജേഷ്, മേഖല വൈസ് പ്രസിഡന്റ്മാരായ പി ജി പ്രസാദ്, ആജിഷ ഉദയകുമാർ, മേഖല ട്രഷറർ ബ്രിജിത് ലാൽ യൂണിറ്റ് സെക്രട്ടറി എം എൻ അനന്ദു എന്നിവർ സംസാരിച്ചു.
Advertisements
