തിരുവനന്തപുരം: പൊതുസ്ഥലത്ത് പെൺകുട്ടികൾക്ക് മുമ്പിൽ നഗ്നതാപ്രദർശനം നടത്തിയയാൾ യുവതിയുടെ ഇടപെടലിൽ പിടിയിലായി. പോത്തൻകോട് സ്വദേശി സുധീഷ് രാഘവൻ(34) ആണ് പോലീസിന്റെ പിടിയിലായത്. ഞായറാഴ്ച രാവിലെ എട്ടിന് ജോലിസ്ഥലത്തേക്ക് പരാതിക്കാരിയുൾപ്പെടെ പെൺകുട്ടികൾ ഒരുമിച്ച് നടന്നുപോകുമ്പോഴാണ് ബൈക്കിലെത്തിയ ഇയാൾ കരിക്കകം വെൺപാലവട്ടം അടിപ്പാതയുടെ താഴെവെച്ച് നഗ്നതാപ്രദർശനം നടത്തിയത്.
ഷോപ്പിങ് മാളിലെ ജീവനക്കാരിയായ യുവതി ഉച്ചയ്ക്ക് 12 മണിയോടെ പേട്ട പോലീസ് സ്റ്റേഷനിലെത്തി പരാതി നൽകി. സി.സി.ടി.വി ക്യാമറകൾ കേന്ദ്രീകരിച്ച് നടത്തിയ അന്വേഷണത്തിലാണ് കല്ലറയ്ക്കടുത്താണ് പ്രതിയുടെ സ്ഥലമെന്ന് കണ്ടെത്തിയത്. പിന്നാലെ കല്ലറ പോസ്റ്റ് ഓഫീസ് വഴി നടത്തിയ അന്വേഷണത്തിൽ പ്രതിയുടെ ഭാര്യയുടെ ഫോൺനമ്പർ ലഭിച്ചു. ഭാര്യയെ ഫോൺ ചെയ്തപ്പോൾ ട്രൂകോളർ ആപ്പിൽ സുധീഷ് ഷവർമ്മ എന്ന പേരും പോത്തൻകോടുള്ള ഹോട്ടലിന്റെ ചിത്രവും പോലീസിന് ലഭിച്ചു. ഇയാൾ പോത്തൻകോടുള്ള ബേക്കറിയിൽ ഷവർമ്മ ഉണ്ടാക്കുന്നയാളാണെന്ന് കണ്ടെത്തി. തുടർന്ന് ഹോട്ടലിലെത്തി പ്രതിയെ കസ്റ്റഡിയിലെടുക്കുകയായിരുന്നു.
