കോട്ടയം : എം.ജി സർവ്വകലാശാലയ്ക്ക് കീഴിലെ കോളേജ് യൂണിയൻ തിരഞ്ഞെടുപ്പിന് പിന്നാലെ സംസ്ഥാനത്ത് പോളി ടെക്നിക്ക് കോളേജുകളിലേയ്ക്ക് നടന്ന തിരഞ്ഞെടുപ്പിലും എസ്എഫ്ഐക്ക് വിജയം. കോട്ടയം നാട്ടകം ഗവൺമെൻറ് പോളിടെക്നിക് കോളേജിലെ ഏക സീറ്റിലേയ്ക്ക് നടന്ന തിരഞ്ഞെടുപ്പിൽ എസ്എഫ്ഐ വൻ വിജയമാണ് നേടിയത്. 500 ൽ അധികം വോട്ടിന്റെ ലീഡ് നേടിയാണ് എസ്എഫ്ഐ സ്ഥാനാർത്ഥി നാട്ടകം ഗവൺമെൻറ് പോളിടെക്നിക് കോളജിൽ വിജയിച്ചത്. ആകെ 800 വോട്ട് പോൾ ചെയ്തതിൽ കെഎസ്‌യു സ്ഥാനാർത്ഥിക്ക് 258 വോട്ട് മാത്രമാണ് ലഭിച്ചത്.
തിരഞ്ഞെടുപ്പ് നടന്ന നാട്ടകം , പാലാ , കടുത്തുരുത്തി , മറ്റക്കര പോളികളിലും എസ്എഫ്ഐ വൻവിജയം നേടി. നാട്ടകം പോളിയിൽ ഒരു സീറ്റിൽ മാത്രമാണ് തിരഞ്ഞെടുപ്പ് നടന്നത്. ആർട്സ് ക്ലബ് സെക്രട്ടറി സീറ്റിലേക്ക് നടന്ന തെരഞ്ഞെടുപ്പിലാണ് എസ്എഫ്ഐ വിജയിച്ചത്. പാലാ പോളിടെക്നിക്കിലേക്ക് നടന്ന തിരഞ്ഞെടുപ്പിൽ 7 ജനറൽ സീറ്റിലും എസ്എഫ്ഐ ഉജ്ജ്വല വിജയം നേടി.
