കോട്ടയം: കേരള സ്റ്റേറ്റ് ഹയർഗുഡ്‌സ് ഓണേഴ്‌സ് അസോസിയേഷൻ കോട്ടയം ജില്ലാ സമ്മേളനം ഇന്ന് കോടിമത സിറ്റിസൺ ക്ലബ് ഹാളിൽ നടക്കും. പന്തൽ, അലങ്കാരം , ഹയറിംങ് ലൈറ്റ് ആന്റ് സൗണ്ട് സ്ഥാപന ഉടമകളുടെ സംഘടനയാണ് കേരള സ്റ്റേറ്റ് ഹയർ ഗുഡ്‌സ് ഓണേഴ്‌സ് അസോസിയേഷൻ. സമ്മേളനത്തിന്റെ ഭാഗമായി രാവിലെ ഒൻപതിന് രജിസ്‌ട്രേഷൻ നടക്കും. തുടർന്നു പതാക ഉയർത്തൽ. സമ്മേളനത്തിന് ഔദ്യോഗിക തുടക്കമിട്ട് ജില്ലാ പ്രസിഡന്റ് പതാക ഉയർത്തും. രാവിലെ 10.30 ന് ചേരുന്ന പൊതുസമ്മേളനം സംസ്ഥാന പ്രസിഡന്റ് അഹമ്മദ് കോയ എ.പി ഉദ്ഘാടനം ചെയ്യും. ജില്ലാ പ്രസിഡന്റ് എം.എൻ ബാലകൃഷ്ണൻ അധ്യക്ഷത വഹിക്കും. സ്വാഗത സംഘം കൺവീനർ റെജി സുവർണ സ്വാഗതം ആശംസിക്കും. ജില്ലാ സെക്രട്ടറി ജോൺ ജേക്കബ് (സാലി) റിപ്പോർട്ട് അവതരിപ്പിക്കും. സംസ്ഥാന ജനറൽ സെക്രട്ടറി ടി.വി ബാലൻ മുഖ്യപ്രഭാഷണം നടത്തും. സംസ്ഥാന ട്രഷറാർ പി.ഷംസുദീൻ, സംസ്ഥാന വൈസ് പ്രസിഡന്റ് എൻ.ജയചന്ദ്രൻ ചീരോത്ത്, സംസ്ഥാന സെക്രട്ടറി വി.ആർ ജയൻ എറണാകുളം എന്നിവർ പ്രസംഗിക്കും. ജില്ലാ സെക്രട്ടറി കെ.എം കുഞ്ഞുമോൻ നന്ദി പറയും. തുടർന്ന് സംഘടനാ ചർച്ചയും തിരഞ്ഞെടുപ്പും നടക്കും.
സെക്രട്ടറി ജോൺ ജേക്കബ് (സാലി) കേരള ഡെക്കറേഷൻ, ജനറൽ കൺവീനർ റെജി സുവർണ, ട്രഷറർ ജോളി ജോസഫ് കീർത്തി ഹയറിംങ്, പബ്ലിസിറ്റി കൺവീനർ പ്രിൻസ് മോൻ എബ്രഹാം (മെറിസ്റ്റം ഇവന്റ്‌സ്), ഫുഡ് കൺവീനർ സിറാജ് (ആർഎസ്എ ഡെക്കറേഷൻ) , പ്രോഗ്രാം കൺവീനർ മധു മധുരിമ ഡെക്കറേഷൻ എന്നിവർ പരിപാടികൾക്ക് നേതൃത്വം നൽകും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ജില്ലാ സമ്മേളനത്തിന്റെ ഭാഗമായി വിവിധ മേഖലകളിലെ അവശ്യ സേവനങ്ങൾ നൽകുന്ന സ്ഥാപനങ്ങളുടെ ഡിസ്‌പ്ലേ അടങ്ങിയ എക്‌സ്‌പോയും നടക്കും. പരിപാടികളുടെ ഭാഗമായി കമ്പനികളുടെ ഹയറിംങ് ഉത്പന്നങ്ങളുടെ പ്രദർശനവും വിൽപ്പനയും നടക്കും.
