തൃശ്ശൂരില്‍ മരം കടപുഴകി വീണ് അഞ്ച് പേര്‍ക്ക് പരിക്ക്. നിരവധി വാഹനങ്ങളും തകര്‍ന്നു. മണ്ണുത്തി വെറ്റിറനറി കോളേജ് ഗ്രൗണ്ടിന് സമീപത്താണ് സംഭവം. കോളേജ് ഗൗണ്ടില്‍ നടക്കുന്ന ഡോഗ് ഷോയ്ക്കെത്തിയവരുടെ വാഹനങ്ങള്‍ സമീപത്ത് പാർക്ക് ചെയ്തിരുന്നു. ഈ വാഹനങ്ങള്‍ക്ക് മുകളിലേയ്ക്കാണ് അപ്രതീക്ഷിതമായി കൂറ്റന്‍ മരം കടപുഴകി വീണത്. ഇതിന് സമീപത്തുണ്ടായിരുന്നവര്‍ക്കാണ് പരിക്കേറ്റത്. ഇന്ന് ഉച്ചക്ക് 12.15ഓടെയായിരുന്നു അപകടം.പരിക്കേറ്റവരെ ആശുപത്രിയിലേക്ക് മാറ്റി. തൃശ്ശൂരില്‍ നിന്നുള്ള ഫയര്‍ഫോഴ്സും മണ്ണുത്തി പോലീസും സംഭവസ്ഥലത്തെത്തി. ഫയര്‍ഫോഴ്സിന്‍റെ നേതൃത്വത്തില്‍ മരം മുറിച്ചു മാറ്റുന്ന നടപടികള്‍ പുരോഗമിക്കുകയാണ്.
Advertisements