വൈക്കം : ചെമ്പ് വിജയോദയം യു പി സ്കൂൾ സോഷ്യൽ സയൻസ് ക്ലബ്ബിന്റെ നേതൃത്വത്തിൽ കാർഷികോല്പന്നങ്ങളുടെ പ്രദർശനവും വിപണനവും സംഘടിപ്പിച്ചു.കൃഷിയിൽ നിന്ന് അകന്നുപോയ പുതുതലമുറയെ കാർഷിക സംസ്കാരത്തിന്റെ ഭാഗമാക്കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത് . സ്കൂൾ ഓഡിറ്റോറിയത്തിൽ നടന്ന ചടങ്ങ് വൈക്കം ബ്ലോക്ക് പഞ്ചായത്ത് പ്രസിഡന്റ് അഡ്വ കെ കെ രഞ്ജിത്ത് ഉദ്ഘാടനം ചെയ്തു .
സ്കൂൾ മാനേജർ പി ജി പ്രദീപ് അധ്യക്ഷനായി .കാർഷിക വിളകളുടെ വിപണനോദ്ഘാടനം വൈക്കം എ ഇ ഓ സുനിമോൾ നിർവഹിച്ചു. ബ്ലോക്ക് വൈസ് പ്രസിഡന്റ് പി ആർ സലീല ടീച്ചർ മുഖ്യപ്രഭാഷണം നടത്തി. അസിസ്റ്റന്റ് കൃഷി ഓഫീസർ അബ്ദുൾ ജലീൽ വിദ്യാർത്ഥികൾക്ക് കാർഷിക സന്ദേശം നൽകി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബ്ലോക്ക് പഞ്ചായത്ത് അംഗങ്ങളായ ജസീല നവാസ്, എം കെ ശീമോൻ, വാർഡ് മെമ്പർ അമൽരാജ്, എം ബി ഗോപാലകൃഷ്ണൻ, രാമചന്ദ്രൻ, ഫിലിപ്പ് മുണ്ടക്കൻ, വിദ്യാ രാധാകൃഷ്ണൻ എന്നിവർ സംസാരിച്ചു. സ്കൂൾ ഹെഡ്മിസ്ട്രസ് ആർ മിനാറാണി സ്വാഗതവും അദ്ധ്യാപകൻ പി ടി പ്രദീപ് നന്ദിയും പറഞ്ഞു.
