ദക്ഷിണാഫ്രിക്ക : എ.ബി. ഡിവില്ലിയേഴ്സ് സജീവ ക്രിക്കറ്റിൽനിന്ന് വിരമിച്ചു
രാജ്യാന്തര ക്രിക്കറ്റിൽനിന്ന് 2018 ൽ ഡിവില്ലിയേഴ്സ് വിരമിച്ചിരുന്നു.നിലവിൽ എല്ലാത്തരത്തിലുമുള്ള ക്രിക്കറ്റിൽനിന്ന് വിരമിക്കുകയാണെന്ന പ്രഖ്യാപനവുമായാണ് ഡീവില്ലിയേഴ്സ് രംഗത്ത് എത്തിയിരിക്കുന്നത്. ഇതോടെ, ഇന്ത്യൻ പ്രിമിയർ ലീഗിലും (ഐപിഎൽ) ഇനി ‘ഡിവില്ലിയേഴ്സ് ഷോ’ ഇനിയുണ്ടാകില്ലെന്ന് ഉറപ്പായി. ഐപിഎല്ലില് വിരാട് കോലി നയിക്കുന്ന ബാംഗ്ളൂര് റോയല് ചലഞ്ചേഴ്സ് താരമായിരുന്നു എ ബി ഡി.
![](https://jagratha.live/wp-content/uploads/2021/11/IMG-20211119-WA0035.jpg)
ട്വിറ്ററിൽ പോസ്റ്റ് ചെയ്ത കുറിപ്പിലൂടെയാണ് സജീവ ക്രിക്കറ്റിൽനിന്ന് വിരമിക്കുന്നതായി താരം പ്രഖ്യാപിച്ചത്.
17 വർഷത്തോളം നീളുന്ന വർണാഭമായ കരിയറിനാണ് ഇതോടെ ഡിവില്ലിയേഴ്സ് തിരശീലയിടുന്നത്. രാജ്യാന്തര ക്രിക്കറ്റിൽ ദക്ഷിണാഫ്രിക്കയ്ക്കായി 114 ടെസ്റ്റുകളും 228 ഏകദിനങ്ങളും 78 ട്വന്റി20 മത്സരങ്ങളും കളിച്ചിട്ടുണ്ട്.