കോട്ടയം: ഇത് വളരെ മോശമാണ് സംഘാടകരെ.. പറയാതെ വയ്യ..! കോട്ടയം നഗരമധ്യത്തിൽ കർഷക സംഘം സംസ്ഥാന സമ്മേളനത്തിന്റെ ഭാഗമായി സ്ഥാപിച്ച പരസ്യ ബോർഡാണ് അക്ഷര നഗരം എന്ന കോട്ടയത്തിന്റെ പേരിന് തന്നെ അപമാനമായി മാറിയിരിക്കുന്നത്. കോട്ടയം നഗരമധ്യത്തിൽ സെൻട്രൽ ജംഗ്ഷനിലാണ് കർഷക സംഘം സംസ്ഥാന സമ്മേളനത്തിന്റെ പ്രചാരണത്തിനായി ബോർഡ് സ്ഥാപിച്ചിരിക്കുന്നത്. കെ.കെ റോഡിൽ നിന്നും എത്തുന്ന വാഹനങ്ങളും, എം.സി റോഡിൽ നിന്നും എത്തുന്ന വാഹനങ്ങളും ഒന്നിച്ച് ചേരുന്ന സ്ഥലത്തിന്റെ കൃത്യം മധ്യത്തിൽ തന്നെയാണ് ബോർഡ് സ്ഥാപിച്ചിരുന്നത്.
കെകെ റോഡിൽ നിന്നും എത്തുന്ന വാഹനങ്ങൾക്കു എംസിറോഡിലൂടെ എത്തുന്ന വാഹനങ്ങളെ കാണാതെ എംസി റോഡ്ിലേയ്ക്കു പ്രവേശിക്കേണ്ടി വരും. ഇത്രത്തോളം ഉയരത്തിൽ കാഴ്ച മറച്ചാണ് റോഡിന്റെ കൃത്യം മധ്യ ഭാഗത്തിൽ തന്നെ കർഷക സംഘത്തിന്റെ പരസ്യ ബോർഡ് സ്ഥാപിച്ചിരുന്നത്. സംസ്ഥാനത്തെ ഭരണത്തിൽ ഇരിക്കുന്ന കക്ഷിയുടെ തന്നെ നേതാക്കളാണ് കർഷക സംഘത്തിന്റെയും നേതാക്കൾ.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
റോഡ് അപകടങ്ങളിൽ ദിവസവും എന്ന പോലെ ആളുകൾ കൊല്ലപ്പെടുമ്പോഴാണ് യാതൊരു തത്വദീക്ഷയുമില്ലാതെ റോഡിന്റെ മധ്യ ഭാഗത്ത് തന്നെ ഇത്തരത്തിൽ പരസ്യ ബോർഡ് സ്ഥാപിച്ചിരിക്കുന്നത്. ഇതിനെതിരെ കടുത്ത വിമർശനമാണ് സാമൂഹിക മാധ്യമങ്ങളിൽ അടക്കം ഉയരുന്നത്. കോട്ടയത്തെ ഒന്നാം നമ്പർ ട്രോൾ ഗ്രൂപ്പായ ട്രോൾ കോട്ടയം ഇതിനെതിരെ ട്രോളുമായി രംഗത്ത് എത്തിയിട്ടുണ്ട്. ഈ പരസ്യബോർഡിനെതിരെ ട്രോൾ ഇട്ടാണ് പ്രതിഷേധം പ്രകടിപ്പിച്ചിരിക്കുന്നത്. ജനങ്ങളുടെ വിമർശനം മനസിലാക്കി ബോർഡ് മാറ്റാൻ സംഘാടകർ തയ്യാറാക്കണമെന്നാണ് നാട്ടുകാരുടെ ആവശ്യം.
