കോട്ടയം : കോട്ടയം പാക്കിൽ പവർ ഹൗസ് റോഡിൽ ബൈക്ക് തെന്നി മറിഞ് മരിച്ച യുവാക്കളുടെ നിര്യാണത്തിൽ വിറങ്ങലിച്ച് നിൽക്കുകയാണ് നാട്. പള്ളം കൊട്ടാരം റോഡിൽ മറ്റത്തിൽ ജോഷ്വാ ജോയൽ (15), മറിയപ്പള്ളി കൊച്ചു വടക്കത്ത് വീട്ടിൽ അബിയൽ തോമസ് (17) എന്നിവരാണ് അപകടത്തിൽ മരിച്ചത്. വൈകിട്ട് 3.50 ന് പള്ളം പവർഹൗസ് ജംഗ്ഷനിലായിരുന്നു അപകടം. ബൈക്കിൻ്റെ ചെയിൻ പൊട്ടി റോഡിൽ വീണ ബൈക്ക് അപകടത്തിൽപ്പെടുകയായിരുന്നു എന്ന് പൊലീസ് പറഞ്ഞു. നിയന്ത്രണം വിട്ട് റോഡിൽ മറിഞ്ഞ ബൈക്ക്, എതിർ ദിശയിൽ നിന്നും എത്തിയ പിക്കപ്പിൽ ഇടിച്ചാണ് അപകടം ഉണ്ടായത്. അപകടത്തിന്റെ സിസിടിവി ക്യാമറ ദൃശ്യങ്ങൾ പുറത്ത് വന്നതോടെയാണ് അപകട കാരണം പുറത്തറിഞ്ഞത്. അപകടത്തിൽ മരിച്ച ചെട്ടിക്കുന്ന് മറ്റത്തിൽ ജോയൽ പീറ്ററിൻ്റെ മകൻ ജോഷ്വാ ജോയലിൻ്റെ (16) . സംസ്കാരം പാക്കിൽ സെൻ്റ് തെരേസാസ് ദേവാലയ സെമിത്തേരിയിൽ നാളെ ഫെബ്രുവരി അഞ്ചിന് വൈകിട്ട് നാലിന് നടക്കും. മാതാവ് : ജിമ ജോൺസൺ , സഹോദരി ആൻമേരി. മൃതദേഹം നാളെ ഉച്ചയ്ക്ക് ഒരു മണിക്ക് എം.ഡി സെമിനാരി ഹയർ സെക്കൻഡറി സ്കൂളിൽ പൊതുദർശനത്തിന് വയ്ക്കും. മറിയപ്പള്ളി കൊച്ചു വടക്കത്ത് തോമസ് സെബാസ്റ്റ്യൻ ഷൈനി തോമസ് ദമ്പതികളുടെ മകനാണ് അബിയേൽ തോമസ്.
