കോട്ടയം: പത്തനംതിട്ട അടൂർ ഇളമണ്ണൂരിൽ കിൻഫ്രാ പാർക്കിന് സമീപം ഓടിക്കൊണ്ടിരുന്ന ടിപ്പർ ലോറിയ്ക്കു തീ പിടിച്ചു. ബുധനാഴ്ച രാവിലെയാണ് ടിപ്പർ ലോറി തീ പിടിച്ചു കത്തി നശിച്ചത്. കിൻഫ്രയിൽ നിന്നും മെയിൻ റോഡിലേയ്ക്കു വരുന്ന വഴിയിൽ വില്ലേജ് ഓഫിസിനു സമീപത്തു വച്ചായിരുന്നു അപകടം. ടിപ്പർ ലോറിയുടെ ഓയിൽ ലീക്കായതിനെ തുടർന്നാണ് തീ പിടിച്ച് കത്തിയതെന്നാണ് ലഭിക്കുന്ന വിശദീകരണം. ഓടിക്കൂടിയ നാട്ടുകാരും അഗ്നിരക്ഷാ സേനയും ചേർന്നാണ് തീ കെടുത്തിയത്.
Advertisements
