എയ്ഡഡ് സ്കൂൾ മേഖലയിലെ പ്രശ്ന പരിഹാരങ്ങൾക്ക് ക്രിയാത്മകമായ ഇടപെടൽ നടത്തും : തിരുവഞ്ചൂർ രാധാകൃഷ്ണൻ എം എൽ എ

കോട്ടയം: എയ്ഡഡ് സ്കൂൾ മേഖലയിലെ പ്രശ്ന പരിഹാരങ്ങൾക്ക് ക്രിയാത്മകമായ ഇടപെടൽ നടത്തുമെന്ന് തിരുവഞ്ചൂർ രാധാകൃഷ്ണൻ എം എൽ എ കോട്ടയം ഫ്ലോറൽ പാലസിൽ (കുട്ടി അഹമ്മദ് കുട്ടി നഗർ) ചേർന്ന കേരള പ്രൈവറ്റ് സ്കൂൾ മാനേജേഴ്സ് അസോസിയേഷൻ ജില്ലാ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം,

പൊതുവിദ്യാഭ്യാസമേഖലയിൽ എയ്ഡഡ് സ്കൂളുകളുടെ പ്രവർത്തനങ്ങൾ പ്രശംസനീയമാണന്നും അദ്ദേഹം പറഞ്ഞു യോഗത്തിൽ ജില്ലാ പ്രസിഡൻ്റ് കെ എ മുഹമ്മദ് അഷ്റഫ് അധ്യക്ഷത വഹിച്ചു ഫ്രാൻസിസ് ജോർജ് എം.പി മുഖ്യപ്രഭാഷണം നടത്തി കേരളത്തിലെ എയ്ഡഡ് സ്കൂൾ മാനേജ്മെൻ്റിൻ്റെ പ്രശ്നങ്ങൾ പാർലമെൻ്റിൽ ഉന്നയിക്കുമെന്നും അദ്ദേഹം പറഞ്ഞു, സംസ്ഥാന ജനറൽ സെക്രട്ടറി മണികൊല്ലം കൗൺസിൽ മീറ്റ് ഉദ്ഘാടനം ചെയ്തു, സംസ്ഥാന വൈസ് പ്രസിഡൻ്റ് ഗുലാബ് ഖാൻ ജില്ലാ സെക്രട്ടറി ജോജി കരിമാങ്കൽ, വൈസ് പ്രസിഡൻ്റ് ഗോപീകൃഷ്ണൻ, ട്രഷറർ കെ ആർ വിജയൻ, ജോയിൻ്റ് സെക്രട്ടറി നീല കണ്ഠൻ പോറ്റി , തുടങ്ങിയവർ സംസാരിച്ചു.

കേരള വിദ്യാഭ്യാസ നിയമങ്ങളും ചട്ടങ്ങളും സംബന്ധിച്ച് ഹരിസുതൻപിള്ള ക്ലാസ്സ് നയിച്ചുപുതിയ ജില്ലാ ഭാരവാഹികളായിപ്രസിഡൻ്റ് ആർ ഗോപീകൃഷ്ണൻ, ജനറൽ സെക്രട്ടറി ജോജി കരിമാങ്കൽ, ട്രഷറായി ആർ മധുലാൽ,വൈസ് പ്രസിഡൻ്റ് മാരായി, നീലകണ്ഡൻപോറ്റി ,കെ എ മുരളി, ജോയിൻ്റ് സെക്രട്ടറിമാരായി ഷിബുലാൽ, ജയപ്രകാശ്, എന്നിവരെയും സംസ്ഥാന കൗൺസിൽ അംഗങ്ങളായി എം എസ് പരീത്, സി എൻ വിശ്വനാഥൻ, റ്റി ആർ സുഗതൻ, ഫാദർ ജയിംസ് സി ജോർജ്, അഡ്വ: അനിൽകുമാർ, എം.പി സെൻ, കെ ആർ വിജയൻ , വേണു സുരേഷ് എന്നിവരെയും തിരഞ്ഞെടുത്തു. വരണാധികാരികളായ സത്യാനന്ദൻ മാസ്റ്റർ, അസീസ് പന്തല്ലൂർ എന്നിവർ തിരഞ്ഞെടുപ്പ് നിയന്ത്രിച്ചു.