കോട്ടയം : അജയ് സ്‌മൃതി ചാരിറ്റബിൾ ട്രസ്റ്റിൻ്റെ ഒൻപതാമത് വാർഷികം മുൻ എം.പി. അഡ്വ.കെ. സുരേഷ് കുറുപ്പ് ഉദ്ഘാടനം ചെയ്തു. ട്രസ്റ്റ് ചെയർമാൻ ഡോ. വി. ബി രാജേഷ് മേനോൻ യോഗത്തിൽ അദ്ധ്യക്ഷത വഹിച്ചു. ട്രസ്റ്റ് നവീകരിച്ചു നൽകുന്ന വീടിൻ്റെ താക്കോൽദാനം ഭാരത് ഹോസ് പിറ്റൽ എം ഡി രേണുകാ വിശ്വനാഥൻ നിർവ്വഹിച്ചു. ഇടുക്കി എം ജി എം പബ്ലിക് സ്‌കൂൾ റിട്ടയേർഡ് പ്രിൻസിപ്പൽ
സാജൻ ജോൺസൺ മുഖ്യ പ്രഭാഷണം നടത്തി. കേരള ഹോട്ടൽ ആൻഡ് റസ്റ്റോറന്റ് അസോസിയേഷൻ യൂണിറ്റ് പ്രസിഡൻ്റ് മനോജ് കുമാർ പഠനോപകരണ വിതരണം നടത്തി. അജയ് സ്‌മൃതി ചാരിറ്റബിൾ ട്രസ്റ്റും കേരള ഹോട്ടൽ ആൻഡ് റസ്റ്റോറന്റ് അസോസിയേഷനും ചേർന്നാണ് പഠനോപകരണങ്ങൾ വിതരണം ചെയ്തത്. ട്രസ്റ്റ് വൈസ് ചെയർമാൻ എൻ. പ്രതീഷ് സ്വാഗതം പറഞ്ഞു. ട്രഷറർ കെ.എസ്. ഗീത ട്രസ്റ്റ് പ്രവർത്തന അവലോകനം നടത്തി. ട്രസ്റ്റ് വൈസ് ചെയർമാന്മാരായ വി. പ്രസന്നകുമാർ, എൻ. വെങ്കിടകൃഷ്‌ണൻ പോറ്റി , ട്രസ്റ്റ് ജോയിൻറ് കൺവീനർ സനൽകുമാർ എന്നിവർ പ്രസംഗിച്ചു. വയനാട് പദ്ധതികളുടെ കൺവീനർ ജി. രാജീവ് നന്ദി പറഞ്ഞു.
